जानकी सुटे यांचे निधन

। रोहा । वार्ताहर ।
रोहे तालुक्यातील देवकान्हे गावच्या रहिवासी तथा आयुष्याची शतकी गाठणार्‍या जानकी सखाराम सुटे यांचे गुरूवार (दि.28) वृद्धापकाळाने दु:खद निधन झाले. जानकी सुटे या अतिशय प्रेमळ शांत स्वभावाच्या होत्या. शेती क्षेत्रावर त्यांचे विशेष लक्ष होते. तर कौटुंबिक व सार्वजनिक कार्यक्रमात त्या नेहमीच अग्रेसर असायच्या. त्यांच्या पश्‍चात एक मुलगा, मुली, सुना, जावई, नातवंडे व पतवंडे असा मोठा परिवार असून त्यांचे दशक्रियाविधी शनिवार (दि.6) उद्धर (पाली) येथे तर अंतिमविधी सोमवारी (दि.8) देवकान्हे येथील राहत्या घरी होणार असल्याची माहिती त्यांच्या निकटवर्तीयांकडून देण्यात आली आहे.