देशमुख कुटूंबियांना जयंत पाटील यांची सांत्वनपर भेट
। पेनूर । प्रतिनिधी ।
माजी मंत्री स्व. गणपतराव देशमुख उर्फ आबासाहेब यांचे जेष्ठ चिरंजीव तसेच सांगोला विधानसभा मतदारसंघाचे विद्यमान आमदार डॉ. बाबासाहेब देशमुख यांचे वडील आण्णासाहेब उर्फ पोपटराव देशमुख यांचे सोमवारी (दि.11) हृदयविकाराच्या झटक्याने त्यांच्या पेनूर येथील राहत्या घरी दुःखद निधन झाले. त्यांच्या निधनामुळे देशमुख परिवारासह परिसरात शोककळा पसरली आहे.
या दुःखद प्रसंगी शेतकरी कामगार पक्षाचे सरचिटणीस भाई जयंत पाटील यांनी आज पेनूर येथील निवासस्थानी भेट देऊन स्व. पोपटराव देशमुख यांना भावपूर्ण श्रद्धांजली अर्पण केली तसेच आमदार डॉ. बाबासाहेब देशमुख व देशमुख परिवाराचे सांत्वन केले.
स्व. पोपटराव देशमुख यांनी समाजकारण, शिक्षण आणि राजकारण क्षेत्रात जनतेशी घट्ट नाळ जपून कार्य केले. अभ्यासू, संवेदनशील आणि सर्वसमावेशक व्यक्तिमत्त्व म्हणून त्यांची ओळख होती. त्यांच्या जाण्याने सामाजिक व राजकीय क्षेत्रातील एक महत्त्वाचे व्यक्तिमत्त्व काळाच्या पडद्याआड गेल्याची भावना व्यक्त होत आहे.
“ईश्वर त्यांच्या आत्म्यास चिरशांती देवो आणि देशमुख कुटुंबियांना या दुःखातून सावरण्याची शक्ती देवो,” अशा शब्दांत उपस्थितांनी श्रद्धांजली वाहिली.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.