प्रजासत्ताकदिनी घनकचरा प्रकल्पाला स्थान
पेव्हर ब्लॉक, गतिरोधक मुंबईतील संचलनात
| नेरळ | संतोष पेरणे |
देशातील कचरामुक्त शहराचा मुकुट मिरवणार्या कर्जत नगरपरिषदेचा आणखी एक मानाचा तुरा राज्य सरकारकडून खोवला गेला आहे. राज्य सरकारकडून प्रजासत्ताकदिनी संचलन केले जाणार आहे आणि त्यामध्ये कर्जत नगरपरिषदेच्या व्यवस्थापन प्रकल्पाकडून बनविले जात असलेले पेव्हर ब्लॉक आणि गतिरोधक यांचा सहभाग नगरविकास विभागाच्या संचलनात राहणार आहे.
कर्जत नगरपरिषदेकडून गेल्या आठ वर्षांपासून शून्य कचरा डेपो विकसित करण्यात आला आहे. भिसेगाव-गुंडगे या भागातील टेकडीवर पालिकेच्या जमिनीवर हा प्रकल्प उभा आहे. त्या ठिकाणी वेगवेगळ्या प्रकारच्या कचर्यावर प्रक्रिया केली जात असून, त्यासाठी कर्जत कचर्याचे वर्गीकरण करूनच पालिकेच्या घंटागाडीत स्वीकारले जाते. त्या कचर्यापैकी प्लास्टिक कचर्यावर प्रक्रिया करून राज्यमार्ग आणि राष्ट्रीय महामार्ग आणि एक्स्प्रेस-वे या रस्त्यावर लावण्यात येणारे गतिरोधक कर्जत नगरपरिषदेच्या घनकचरा व्यवस्थापन प्रकल्पात बनविले जातात. 2020 मध्ये पालिकेच्या कचरा डेपोवरील प्लास्टिक कचर्यावर प्रक्रिया करून प्लास्टिक क्रशचे पेव्हर ब्लॉक निर्माण केले जात असतात.त्यासाठी ग्रुविला कंपनीच्या माध्यमातून प्लास्टिक क्रशपासून गतिरोधक आणि पेव्हर ब्लॉक बनविले जात आहेत. या पेव्हर ब्लॉकने शहरातील काही ठिकाणचे रस्ते बनविण्यात आले असून, नुकत्याच त्या पेव्हर ब्लॉकची निर्यात गुजरात राज्यात करण्यात आली आहे.
या वर्षी राज्यसरकार कडून प्रथमच प्रजासत्ताक दिन सोहळ्याच्या कार्यक्रमात शासनाच्या विविध विभागांचे चित्ररथ शिवाजी पार्क येथील ध्वजसंचलन कार्यक्रमात होणार आहेत. त्या चित्ररथ संचलनात नगरविकास विभाग यांच्या वतीनेदेखील चित्ररथ संचलनात असणार आहे. यामध्ये कर्जत नगरपरिषदेच्या घनकचरा व्यवस्थापन प्रकल्प यांच्या ग्रुविला प्रकल्पात प्लास्टिक क्रशपासून बनविलेले पेव्हर ब्लॉक यांचा रास्ता असणार आहे आणि त्या रस्त्यावर याच प्रकल्पात बनविलेले गतिरोधकदेखील असणार आहेत. स्वच्छता या विषयवार नगरविकास विभागाने यावर्षीच्या संचलनात थीम ठेवली
या पेव्हर ब्लॉकमधून आतापर्यन्त फूट अंतराचे रस्ते बनविले गेले आहेत.लोणावळा आणि कर्जत नागरिषदेमध्ये बसविले आहेत, तर नुकत्याच त्यांनी गांधीनगर शहराकडून मागणी आली होती आणि त्या मागणीनुसार निर्यात करण्यात आले आहेत. तर याच प्रकल्पात बनविले जाणारे गतिरोधक हे किमान चार किलोमीटर अंतरावर बसविण्यत आले आहे. मुंबई-पुणे राष्ट्रीय महामार्ग तसेच मुंबई-पुणे एक्स्प्रेसवे या रस्त्यावर हे बसविण्यात आले आहेत. तसेच डी मार्ट आणि ऐरोली टोलनाका येथेदेखील हे गतिरोधक पाहायला मिळू शकतात. बाजारात मिळणार्या अन्य गतिरोधकांपेक्षा अधिक टिकाऊ आणि कमी किमतीचे आहेत.
त्यानिमित्ताने प्रजासत्ताक दिनाच्या महाराष्ट्र राज्याच्या चित्ररथ संचलनात कर्जत नगरपरिषदेचे कार्य राज्याच्या नजरेस ठळकपणे पडणार आहे. हा संपूर्ण कर्जत शहरासाठी बहुमान असून, त्यासाठी काम करणारे ग्रुविला प्रकल्प आणि घनकचरा व्यवस्थापन प्रकल्पामध्ये काम करणारे कर्मचारी यांच्यासाठी आनंदाचा क्षण आहे. – वैभव गारवे, मुख्याधिकारी, कर्जत नगरपरिषद
कसे बनविले जातात पेव्हर ब्लॉक
शहरातून कचरा डेपो येथे येणारे प्लास्टिक तसेच इमारती घरे यांचा राडारोडा, कचरा आणि रबर यापासून हे ब्लॉक तयार जातात. ते अधिक टिकाऊ आणि प्रदूषणमुक्त आहेत.