अल्पवयीन मुलाचे अपहरण

| अलिबाग | प्रतिनिधी |

अलिबाग तालुक्यातील सोगाव येथील एसओएसमधील एका अल्पवयीन मुलाचे अपहरण करण्यात आले. ही घटना मंगळवारी दुपारी घडली असून, याप्रकरणी मांडवा सागरी पोलीस ठाण्यात तक्रार दाखल करण्यात आली आहे.

पन्हाळामधील 14 वर्षीय मुलगा या बालग्राममध्ये गेल्या अनेक वर्षांपासून आहे. मंगळवारी सकाळी नाश्ता करून बालग्राममधील आवारात खेळत होता. दुपारी दोन वाजण्याच्या सुमारास सर्व विद्यार्थ्यांना जेवण्यासाठी बोलावण्यात आले. मात्र, त्याठिकाणी अल्पवयीन मुलगा दिसून आला नाही. त्याची आजूबाजूला चौकशी केली. ठिकठिकाणी विचारपूस केली, तरीही तो सापडला नाही. अखेर बालग्राममधील कर्मचाऱ्यांनी अलिबाग पोलीस ठाण्यात तक्रार नोंदविली. या गुन्ह्याचा तपास पोलीस हवालदार विनोद गायकवाड करीत आहेत.