नेरळचे भडसावळे यांना ग्रामीण पर्यटनाचा पुरस्कार
। नवी मुंबई । प्रतिनिधी ।
महाराष्ट्राला प्रथमच सर्वोकृष्ट राज्यासाठीचा सर्वकष पर्यटन विकासाचा राष्ट्रीय पुरस्कार प्राप्त झाला असून, पर्यटनाच्या मूलभूत सेवा सुविधांच्या श्रेणीत काम करणार्या कोकणातील चार खासगी व सार्वजनिक संस्थांना राष्ट्रीय पर्यटन पुरस्कार मिळाला आहे. नेरळचे दरवर्षी भारत सरकारच्या पर्यटन मंत्रालयातर्फे दि. 27 सप्टेंबर या जागतिक पर्यटनदिनी राष्ट्रीय पर्यटन पुरस्कार प्रदान केले जातात. कोरोना काळात दोन वर्षे हे पुरस्कार दिले नव्हते. त्यामुळे सन 2018-19 या वर्षाकरिताचे पुरस्कार विज्ञान भवन, नवी दिल्ली येथे मा. उपराष्ट्रपती जगदीप धानकर यांच्या हस्ते प्रदान करण्यात आले. यावेळी केंद्रीय पर्यटनमंत्री जी किशन रेड्डी तसेच पर्यटन सचिव अरविंद सिंह उपस्थित होते.
पर्यटन संचालनालयाचे सहसंचालक, डॉ. धनंजय सावळकर यांनी पर्यटन विभाग, महाराष्ट्र शासन यांच्या वतीने पुरस्कार स्वीकारले तसेच हा राष्ट्रीय पर्यटन पुरस्कार हॉटेल, वाहतूक, गाईड, वैशिष्ट्यपूर्ण पर्यटन, नागरी सुविधा अशा विविध श्रेणीत काम करणार्या खासगी व सार्वजनिक संस्थांना दिला जातो. महाराष्ट्रातील पुढील संस्थांना हा पुरस्कार प्राप्त झाला आहे. 1. पर्यटन विभाग, महाराष्ट्र शासन सर्वोत्कृष्ट राज्याचा दुसरा क्रमांक, 2. नागरी सुविधा (ब श्रेणी)- पाचगणी पगर परिषद (सातारा), 3. ताजमहाल पॅलेस 5 तारांकीत डिलक्स, मुंबई, 4. वेलनेस पर्यटन आत्ममंतन वेलनेस रिसॉर्ट, मुळशी (पुणे), 5. ग्रामीण पर्यटन, सगुणाबाग (नेरळ), चंदन भडसावळे, 6. जबाबदार पर्यटन वेस्टर्न रुट्स्, पुणे, 7. गीते ट्रॅव्हल्स- मनमोहन गोयल, मुंबई, 8. वाहतूक (श्रेणी-1)- ओरिक्स ऑटो इन्फ्रास्ट्रक्चर सव्हिसेस लि., 9. होमस्टे दाला रुस्तर (पाचगणी)- कॅप्टन विकास गोयले यांना पुरस्कार देण्यात आला.
या पुरस्कारांपैकी कोकणातील तब्बल चार राष्ट्रीय पर्यटन पुरस्कार प्राप्त झाले आहेत. यातील सगुणाबाग (नेरळ), चंदन भडसावळे यांना ग्रामीण पर्यटनसाठी पुरस्कार प्राप्त झाला आहे. त्याचप्रमाणे ताजमहाल पॅलेस 5 तारांकीत डिलक्स, मुंबई, टॅव्हल्स कॅटेगिरीमध्ये गीते ट्रॅव्हल्स मुंबई यांना, तर ट्रॅव्हल्स ट्रान्सपोर्टमध्ये ओरिक्स ऑटो इन्फ्रास्ट्रक्चर सव्हिसेस लि. मुंबई यांना राष्ट्रीय पर्यटन पुरस्कार प्राप्त झाले आहेत, अशी माहिती पर्यटन संचालनालय प्रादेशिक कार्यालय कोकण भवनचे उपसंचालक हनुमंत हेडे यांनी दिली.