सावंगी रूग्णालयात घुसला बिबट्या

। वर्धा । वृत्तसंस्था ।
वर्धा तालुक्यातील आचार्य विनोबा भावे रुग्णालय परिसरात बिबट्या आढळून आल्याने तारांबळ उडाली. माहिती मिळताच वनविभागाचे अधिकारी घटनास्थळी दाखल झाले. त्यांनी बिबटाला पकडण्याचा प्रयत्न केला असता तो रुग्णालयाच्या नालीत शिरला. तेथे त्याच्यावर बेशुद्ध करण्याच्या औषधाचा मारा करून पाच तासाच्या रेस्क्यू ऑपरेशननंतर जेरबंद करण्यात आले.