पनवेलमध्ये पाऊण कोटींचे मद्य जप्त
| पनवेल | वार्ताहर |
राज्य उत्पादन शुल्क पनवेल विभागाची धडक कारवाई करीत अवैध मद्याचा साठा 76,77,840/- रुपये किमतीचा मुद्देमाल हस्तगत केला आहे. पनवेल जवळील मौजे कोपरा गावाच्या हद्दीतून जाणार्या सायन -पनवेल द्रुतगती मार्ग क्रमांक एक वर एक ट्र्क अडवून हा माल पकडण्यात आला.
नववर्षाच्या स्वागताच्या पाश्वर्र्भूमीवर गोवा राज्यातून मोठ्या प्रमाणात बेकायदेशीर रित्या दारूची आवक महाराष्ट्रात होणार असल्याची माहिती राज्य उत्पादन शुल्क महाराष्ट्र राज्याचे आयुक्त डॉ. विजय सूर्यवंशी यांना मिळाली होती.त्यांच्या आदेशानुसार संचालक सुनील चव्हाण ,कोकण विभागीय उपायुक्त प्रसाद सुर्वे व अधीक्षक श्रीमती कीर्ती शेडगे यांच्या मार्गदर्शनाखाली निरीक्षक संजय पुरळकर,दुय्यम निरीक्षक प्रमोद कांबळे, शिवाजी गायकवाड, सहाय्यक दुय्यम निरीक्षक सुभाष जाधव , जवान विलास चव्हाण ,महिला जवान रमा कांबळे आदींच्या पथकाने सदर ठिकाणी सापळा रचला. तेथे असलेल्या पथकर वसुली नाक्याच्या पुढील बाजूस संशयित ट्रक (जीजे – 06 – बीटी – 9717 यास अडवून त्या ट्रकची तपासणी केली असता त्यामध्ये असलेल्या म रॉयल ब्लु व्हिस्कीच्या बाटल्या असे एकूण अवैध गोवा मद्याचे 898 बॉक्स जप्त करण्यात आले आहेत.या प्रकरणी ट्रकचालक संदीप पंडित व समाधान धर्माधिकारी या दोघांना ताब्यात घेण्यात आले आहे.
अवैध मद्य निर्मिती, विक्री, वाहतूक या संदर्भात कोणतीही तक्रार असल्यास टोल फ्री क्रमांक 1800 233 9999 व व्हाट्सअप क्रमांक 8622001133 तसेच फोन नंबर – 022 -2263881 वर संपर्क साधावा – कीर्ती शेडगे ( अधीक्षक. उत्पादन शुल्क ,रायगड )
