। रसायनी । वार्ताहर |
इंटरनॅशनल कारगो टर्मिनल अॅड इन्फ्रास्ट्रकचर कंपनीने सन 2016 साली कळंबुसरे येथील शेतक-याची शेतजमीन खरेदी केली आहे. यावेळी शेतजमीनीच्या जमीन मालक शेतकर्यांना लिखीत व तोंडी आश्वासन देण्यात आले आहे. याअगोदर कंपनीने 107 शेतकर्यांपैकी सन 2017 मध्ये 35 कामगार सेवेत घेतले.सन 2022 मध्ये 25 कामगार घेण्यासंदर्भात नोटिस दिल्या आहेत.तर उर्वरित 47 कामगारांचा प्रश्न प्रलंबित असून सदर जागेत तीन वर्षाच्या आत कंपनी उभारून त्यामध्ये नोकरी देण्यात येईल आणि जर तीन वर्षाच्या आत नोकरी दिली नाही तर तीन वर्षाच्या नंतर त्या बदल्यात दर महा पगार देण्यात येईल असा स्पष्ट उल्लेख असतानाही शेतकर्यांची फसवणूक होत असल्याने त्यांनी बहुजन मुक्ती पार्टीचे उपाध्यक्ष संतोषभाई घरत यांच्या नेतृत्वाखाली गुरुवार दि.23 रोजी दुपारी कंपनी गेटसमोर शेतकर्यांच्या शेतजमिनी खरेदिच्या बदल्यात त्यांना नोकरी व पगार न दिल्याच्या विरोधात गेट आंदोलन केले.यावेळी मोठ्या संख्येने शेतकरी कुटुंब उपस्थित होते.यावेळी जमिन आमच्या हक्काची नाही कुणाच्या बापाची अशी घोषणाबाजी केली.याप्रसंगी काही संघटनांनी या लढ्याला पाठींबा दर्शविला.यावेळी संतोष घरत, गणेश पाटील, संजय घरत,कुलदिप नाईक,सुशिल राऊत, संतोष ठाकूर, विनोद ठाकूर, शशिकांत पाटील,आदीसह मोठ्या संख्येने मान्यवर उपस्थित होते.