। खोपोली प्रतिनिधी ।
शिळफटा येथील पाताळगंगा नदीत अज्ञात महिलेचा मृतदेह सापडला आहे. खोपोली-शिळफाटा ब्रिजखाली पाताळगंगा नदीत एका 50 वर्षीय अज्ञात महिलेचा मृतदेह वाहत आला असून स्थानिकांनी हा मृतदेह पहिल्यांनंतर त्यांनी खोपोली पोलीस आणि अपघातग्रस्त टीमच्या सदस्यांना माहिती दिली.
पोलिसांनी घटनास्थळी दाखल होत नदीतून मृतदेह बाहेर काढला. या महिलेचे वय अंदाजे 50 असून ही महिला मराठी असल्याचा अंदाज खोपोली पोलिसांनी वर्तविला आहे. मात्र या महिलेची ओळख अद्याप पटलेली नसून खोपोली पोलीस ठाण्याचे पोलीस निरीक्षक शिरीष पवार यांच्या मार्गदर्शनाखाली खोपोली पोलीस या घटनेचा पुढील तपास करीत आहेत.