तलावारबाजीत मनस्वीची सुवर्ण, रौप्यपदकाची कमाई

। पनवेल । वार्ताहर ।
पनवेलच्या मनस्वी जयेश भगत हिने राष्ट्रीय तलवारबाजी स्पर्धेत एक सुवर्ण व एक रौप्यपदक पटकावले आहे. विभागीय क्रीडा संकुल स्व. मीनाताई ठाकरे स्टेडियम नाशिक येथे पार पडलेल्या 11 मिनी राष्ट्रीय तलवारबाजी स्पर्धेत मनस्वी भगतने महाराष्ट्र संघाचे प्रतिनिधीत्व करताना इपी वैयक्तिक प्रकारात रौप्यपदक व सांघिक या प्रकारात सुवर्णपदक मिळवून दिले.

या स्पर्धेमध्ये संपूर्ण भारतातून 25 राज्यांतून जवळपास 500 हून अधिक स्पर्धकांनी सहभाग घेतला. यामध्ये पनवेल तालुक्यातील चॅम्पियन्स ऊ’शीलीळाश या क्लबमधून सात खेळाडूंनी सहभाग नोंदविला. यामध्ये मनस्वी भगत, प्रज्ज्वल गौडा, अर्श सुरवसे, आराध्या वासगडेकर, श्रेया गडेगावकर, तनया पालसोकर, पार्थ मेढेकर यांनी दमदार कामगिरी केली. या विद्यार्थ्यांना मिलिंद ठाकूर, सिद्धार्थ म्हसकर, प्रशांत भगत यांचे प्रशिक्षण लाभले. वैभव पेटकर यांनी मार्गदर्शन केले.