अंधेरीत इमारतीला भीषण आग; तिघांचा मृत्यू

। मुंबई । वृत्तसंस्था ।

मुंबईतील अंधेरी परिसरात एका इमारतीला भीषण आग लागल्याची घटना घडलीआहे. हि दुर्दैवी घटना बुधवारी (दि. 16) सकाळच्या सुमारास घडली. घटनेची माहिती मिळताच अग्निशमन दलाच्या गाड्यांनी घटनास्थळी धाव घेतली. बऱ्याच प्रयत्नानंतर आग विझवण्यात अग्निशमन दलाच्या जवानांना यश मिळाले. मात्र, या आगीत तिघांचा मृत्यू झाला आहे.

अंधेरी पश्चिमेकडील लोखंडवाला परिसरात रिया पॅलेस इमारतीच्या दहावा मजल्यावर बुधवारी (दि.16) सकाळी 8च्या सुमारास भीषण आग लागली. घटनेची माहिती मिळताच अग्निशमन दलाचा गाड्या घटनास्थळ दाखल झाल्या. अखेर बऱ्याच वेळानंतर आग विझवण्यात अग्निशमन दलाच्या जवानांना यश मिळाले. मात्र, या आगीत चंद्रकांत सोनी (76), कांता सोनी (71) आणि नोकर रवी (33) या तिघांचा दुर्दैवी मृत्यू झाला. आग नेमकी कशामुळे लागली हे अद्याप कळू शकलेले नाही. मात्र या घटनेने परिसरात एकच खळबळ उडाली आहे.