पारंपरिक बोट स्पर्धेत मत्स्य निरिक्षणी प्रथम
ललित धानूर, सुनील तांडेल यांनी मारली बाजी
| कोर्लई | वार्ताहर |
राष्ट्रीय एकता दिवस निमित्ताने शासनाच्या मत्स्यपालन, पशुपालन आणि डेयरी मंत्रालय, मत्स्यपालन विभाग, नवी दिल्ली यांच्या आदेशानुसार भारतीय मत्स्य सर्वेक्षण संस्था, मुंबई आणि मच्छीमार सर्वोदय सहकारी सोसायटी लि. कुलाबा यांच्यातर्फे मुंबईतील कफ परेड येथे पारंपारिक मासेमारी बोटींच्या आयोजित स्पर्धेत ललित धानूर,सुनील तांडेल यांच्या मत्स्य निरिक्षणी बोटीने प्रथम क्रमांक पटकावला.
भारतीय मत्स्य सर्वेक्षण, मुंबईचे महासंचालक डॉ. आर. जयभास्करन यांनी हिरवा झेंडा दाखवून बोटींच्या स्पर्धेला सुरुवात झाली. या प्रसंगी जयेश भोईर अध्यक्ष, एमएससीएस, कुलाबा आणि श्री. अशोक एस. कदम, प्रभारी अधिकारी, एफएसआय, मुंबई बेस यांची प्रमुख उपस्थिती होती. या शर्यतीत राष्ट्रध्वज धारण केलेल्या सुमारे 20 पारंपारिक मासेमारी नौका सहभागी झाल्या होत्या. पारंपारिक मासेमारी नौकांना एफएसआयच्या वेगवेगळ्या क्षेत्रीय बेसद्वारे चालवल्या जाणाऱ्या सर्वेक्षण नौकांचे नाव देण्यात आले होते.
स्पर्धेचा पारितोषिक वितरण समारंभ ससून डॉक येथील एफएसआयच्या सभागृहात आयोजित करण्यात आला होता. या स्पर्धेमधे एफएसआयच्या मुंबई बेसच्या मत्स्य निरिक्षणी नावाची पारंपरिक बोट वल्हवत ललित धानूर आणि सुनील तांडेल या जोडीने प्रथम, एकनाथ धानूर आणि ओंकार भुवड यांनी एफएसआय कोची बेसची मत्स्य सुगंधी नावाची पारंपरिक बोट वल्हवत द्वितीय तर कोची बेसची मत्स्य लावण्याका नावाची पारंपरिक बोट वल्हवत महेश धनू आणि यश मेहेर यांनी तृतीय क्रमांक मिळविला .
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.