मोटार सायकलची चोरी

। पनवेल । वार्ताहर ।
सोसायटीच्या पार्कींगमध्ये उभी करून ठेवलेली मोटार सायकल अज्ञात चोरट्यांनी चोरुन नेल्याची घटना पनवेल शहरातील मिडल क्लास हौसिंग सोसायटीत घडली आहे. अनिल पाटील (42 रा.कनक सवेरा, प्लॉट नं.2, पनवेल) यांची 6 हजार रुपये किंमतीची हिरो होंडा कंपनीची काळ्या रंगाची त्यावर केशरी रंगाचे स्टीकर असलेली मोटार सायकल ही त्यांच्या मुलाने सोसायटीच्या पार्कींगमध्ये उभी करून ठेवली असता अज्ञात चोरट्यांनी सदर मोटार सायकल चोरुन नेल्याने याबाबतची तक्रार पनवेल शहर पोलीस ठाण्यात करण्यात आली आहे.