। माणगाव । प्रतिनिधी ।
निगुडमाळ गावाला पिण्याचे पाणी मिळाल्याने गावकर्यांच्या चेहर्यावरील आनंदाचे चित्र पाहून फार बरे वाटले असे प्रतिपादन मराठी अभिनेते हास्यसम्राट अरुण कदम यांनी निगुडमाळ येथील कार्यक्रमात बोलताना व्यक्त केले. या कार्यक्रमास प्रमुख अतिथी म्हणून तळा तालुक्यातील बोरीचा माळ येथील सामाजिक कार्यकर्ते रायगड भूषण कृष्णा महाडिक हे उपस्थित होते.
मुंबईतील दानशूर व्यक्तिमत्व सुरेश शंकर उपाध्ये यांच्या आर्थिक मदतीतून व सामाजिक कार्यकर्ते कृष्णा महाडिक यांच्या सहकार्याने माणगाव तालुक्यातील मांजरवणे ग्रामपंचायत हद्दीतील मौजे निगुडमाळ गावातील नळपाणी पुरवठा योजनेचा उद्घाटन सोहळा शनिवारी (दि.16) मराठी अभिनेते हास्यसम्राट अरुण कदम यांच्याहस्ते व सामाजिक कार्यकर्ते कृष्णा महाडिक यांच्या प्रमुख उपस्थितीत उत्साहात संपन्न झाले. यावेळी उपस्थितांना आपल्या शैलीत विनोदी मार्गदर्शन करीत अभिनेते अरुण कदम यांनी टाळ्यांच्या गजरात उपस्थितांची मने जिंकून कार्यक्रमाची रंगत वाढविली.
या कार्यक्रमाला साई ग्रामपंचायतीचे माजी उपसरपंच प्रकाश धुमाळ, मांजरवणे ग्रा.पं. सरपंच पुष्पा साळवी, मुंबईचे सामाजिक कार्यकर्ते ऋषिकेश गोखले, मुंबईकर मंडळाचे अध्यक्ष रुपेश दर्गे, गाव अध्यक्ष अनंत वरणकर, शिक्षक विनोद लाड, मुंबईकर मंडळाचे उपाध्यक्ष प्रकाश रिकामे, राजेश महाडिक,नितीन वरणकर, विकेश ठसाळ, महेंद्र दर्गे, ज्येष्ठ सल्लागार गणू ठसाळ, प्रकाश महाडिक, रामचंद्र दर्गे, बापू दर्गे, किसान दर्गे, बाळकृष्ण महाडिक, पांडुरंग वरणकर,शंकर महाडिक आदींसह निगुडमाळ ग्रामस्थ व मुंबईकर मोठ्यासंख्येने उपस्थित होते.