निवृत्तीबुवा चौधरींचा सहस्रचंद्र दर्शन सोहळा

| पनवेल | वार्ताहर |

बालयोगी सदानंद महाराज आश्रम संस्थातर्फे रायगड जिल्ह्यातील पनवेल येथील नादब्रम्ह साधना मंडळचे संस्थापक तथा विख्यात शास्त्रीय आणि भजन गायक निवृत्तीबुवा चौधरी यांचा सहस्रचंद्र दर्शन सोहळा येत्या 5 डिसेंबर रोजी दुपारी 3.30 वाजता ठाणे जिल्ह्यातील श्रीक्षेत्र गणेशपुरी येथे आयोजित करण्यात आला आहे.

नवी, मुंबई, रायगड, ठाणे, मुंबई तसेच राज्यातील परिसरात निवृत्तीबुवा चौधरी यांनी शास्त्रीय संगीत आणि भजन संगीतच्या प्रचार आणि प्रसारासाठी अपार मेहनत घेतली आहे. 60 वर्षांपेक्षा अधिक काळ त्यांनी संगीत क्षेत्राची सेवा केली आहे. त्यांनी संगीत क्षेत्रातून हजारो शिष्य घडविले आहेत. निवृत्तीबुवा चौधरी यांच्या शिकवणीतून तयार झालेल्या कलाकारांनी आपले नाव उंचावले आहे. निवृत्तीबुवा चौधरी यांचे संगीत क्षेत्रातील कार्य समाजाला नेहमी मार्गदर्शक आणि प्रेरणादायी ठरले आहे. त्या अनुषंगाने निवृत्तीबुवा चौधरी यांचा सहस्रचंद्र सोहळा बालयोगी सदानंद महाराज आश्रम संस्थातर्फे साजरा होणार आहे.