| पनवेल | वार्ताहर ।
कामावरून परत येत असताना एका अनोळखी मोटार सायकल स्वाराने भरधाव वेगाने येवून समोरून धडक दिल्याने एक इसम गंभीर जखमी झाल्याची घटना पनवेल शहरात घडली आहे. याप्रकरणी पनवेल शहर पोलीस ठाण्यात अज्ञात मोटार सायकल स्वाराविरोधात गुन्हा दाखल करण्यात आला आहे.
मधुकर रानू तुपसमीद्रे हे आपल्या कामावरून परत येत असतांना नर्मदा काम्प्लेक्स समोरील रोडवर सैजु बारच्या पुढे एका अनोळखी मोटार सायकल स्वाराने भरधाव वेगाने येवून त्यांना समोरून धडक दिली. या घटनेत मधुकर तुपसमीद्रे हे गंभीर जखमी झाले असून त्यांना गांधी रुग्णालयात दाखल करण्यात आले आहे. या घटनेची नोंद पनवेल शहर पोलीस ठाण्यात करण्यात आली आहे.
दुचाकीची इसमाला धडक
