नागोठणे आंगर आळीत शिवजयंतीचे आयोजन

| नागोठणे | प्रतिनिधी |

नागोठण्यातील आंगर आळी येथील सरखेल कान्होजी आंग्रे शिवप्रतिष्ठान मित्र मंडळाच्या वतीने दरवर्षीप्रमाणे यावर्षीही गुरुवार दि.19 फेब्रुवारी रोजी सकळ हिंदुस्थानचे आराध्य दैवत आणि हिंदवी स्वराज्याचे संस्थापक श्री छ. शिवाजी महाराज जन्मोत्सव सोहळ्याचे भव्य आयोजन करण्यात आले आहे. छ. शिवाजी महाराज जन्मोत्सव सोहळ्याच्या निमित्ताने सरखेल कान्होजी आंग्रे शिवप्रतिष्ठान मित्र मंडळाच्या वतीने गुरुवार बुधवारी (दि.18) सकाळी मंडळाचे पदाधिकारी व सदस्य रायगड किल्ल्याकडे रवाना झाले. गुरुवारी सकाळी 9 वाजता नागोठण्यात शिवज्योतीचे आगमन होणार आहे. त्यानंतर आंगर आळी येथील शिवस्मारकाजवळ शिवज्योत नेण्यात येईल. सकाळी 9.30 वाजता शिवज्योतीचे अभिषेक पूजन होणार आहे. त्यानंतर सायंकाळी 4 ते 6 वाजण्याच्या दरम्यान शिवज्योत प्रदक्षिणा व पालखी मिरवणुकीचे आयोजन करण्यात आले आहे. त्यानंतर सायंकाळी 7.30 वाजता रोहा येथील इतिहास अभ्यासक सुखद राणे यांचे शिव व्याख्यान होणार आहे. रात्री 8.30 वाजल्यापासून भरतशेठ मांगीलाल परमार यांच्या स्मरणार्थ महाप्रसाचे आयोजन करण्यात आले आहे. आंगर आळी येथील हा शिवजयंती सोहळा यशस्वी होण्यासाठी सरखेल कान्होजी आंग्रे शिवप्रतिष्ठानचे पदाधिकारी, सदस्य, आंगर आळी ग्रामस्थ व महिला मंडळ मेहनत घेत आहेत.