‘रायगड फोटो एक्स्पो’चे आयोजन

। पेण । वार्ताहर ।

रायगड फोटोग्राफर्स अँड व्हिडिओग्राफर्स असोसिएशनतर्फे रविवारी (दि. 6) जिल्ह्यातील सर्वच छायाचित्रकारांसाठी ‘रायगड फोटो एक्सपो 2024’ या कार्यक्रम आयोजन मराठा समाज हॉल, पेण येथे केले आहे. या कार्यक्रमास जिल्ह्यातील सर्वच फोटोग्राफर व व्हिडिओग्राफर यांनी उपस्थित राहावे, असे आवाहन रायगड जिल्हा तसेच पेण तालुका असोसिएशकडून करण्यात आले आहे.

या कार्यक्रमाचे सकाळी 10 वाजता उद्घाटन व स्वागत होणार आहे. त्यानंतर प्रवीण बनसोडे ए-आय या विषयावर डेमो देण्यात येणार असून, फुजीफिल्म कंपनीकडून सिनेमॅटोग्राफी या विषयावर माहिती देण्यात येणार आहे. दरम्यान, निकॉन कंपनीकडून कॅमेरा, त्या संबंधित उपकरणांबद्दल माहिती व ती कशी हाताळावी याबद्दल प्रत्यक्ष उपकरणे हाताळणी करण्यास देण्यात येणार आहेत. दुपारी सेलिब्रेटी आणि परीक्षक यांच्या स्वागतानंतर फॅशन शो आणि इतर अनेक स्पर्धा घेण्यात येणार असून, विजेत्या स्पर्धकाला बक्षीस वितरण करण्यात येणार आहे.

या कार्यक्रमासाठी रायगड फोटोग्राफर असो.चे अध्यक्ष समीर भायदे, उपाध्यक्ष समीर मालोदे, सचिव आनंद निंबरे, पेण तालुका अध्यक्ष समाधान पाटील यांचया मार्गदर्शनाखाली कार्यक्रमाचे जोरदार तयारी सुरू आहे.