श्री बेलजाई मातेचा पालखी सोहळा साजरा

।सुकेळी । वार्ताहर ।
रोहा तालुक्यातील नागोठणे जवळच असलेल्या बाळसई येथे श्री बेलजाई मातेचा पालखी सोहळा तिथिनुसार दि.6 एप्रिल रोजी साजरा करण्यात आला.
या कार्यक्रमाची सुरुवात सर्व बाळसई ग्रामस्थांच्या उपस्थितीत तसेच पाली येथिल पुरोहित गद्रे गुरुजी यांच्या मार्गदर्शनाखाली सकाळी होमहवन, मुर्तीवर अभिषेक तसेच श्री.बेलजाई मातेची पुजा करण्यात आली. या सोहळ्यासाठी नोकरी-व्यवसायानिमित्त मुंबई, ठाणे व इतरत्र असलेले बाळसईतील तरुणवर्ग, नागरीक तसेच माहेरवाशिणी या दरवर्षी आवर्जून उपस्थित राहतात. मिरवणूक सोहळा रात्री 8.30 वाजता मंदिरात पोहचल्यानंतर कार्यक्रमाची सांगता झाली.