। खरोशी । वार्ताहर ।
पेण तालुक्यातील दिव गावचे रहिवासी पांडुरंग पोशा म्हात्रे यांचे नुकतेच अल्पशा आजाराने निधन झाले. मृत्यूसमयी ते 80 वर्षांचे होते. राजकीय सक्रिय कार्यकर्ते, उत्तम समाजसेवक, गावातील न्याय निवाडा आणि सामाजिक कार्यकर्ते म्हणून त्यांची जिल्ह्यात ओळख होती. यांच्या पश्चात पत्नी, पाच मुले, सुना, नातवंडे असा मोठा परिवार आहे. त्यांच्या जाण्याने परिसरात शोककळा पसरली आहे.