। पनवेल । वार्ताहर ।
पनवेल महानगरपालिका महिला व बालकल्याण विभागातर्फे कॅन्सर या दुर्धर आजाराने ग्रस्त असलेल्या महिला, मुला मुलींना 25 हजार रुपयांचे अर्थसहाय्य करण्यात येणार आहे. याबाबत महिला बालकल्याण विभागाकडे अर्ज करण्याचे आवाहन सभापती हर्षदा अमर उपाध्याय यांनी केले आहे.
योजनेचे अर्ज महिला व बालकल्याण विभागात उपलब्ध असून गरजू लाभार्थ्यांनी सदर अर्ज भरण्याचे आवाहन करण्यात आले आहे. या योजनेंतर्गत अर्ज करण्यासाठी 1 एप्रिल 2021 नंतर कॅन्सर या आजाराचे निदान झालेल्या रुग्णास सदर लाभ दिला जाईल. वयवर्षे 0 ते 18 वर्षाच्या खालील मुलामुलींना या योजनेअंतर्गत लाभ घेता येणार आहे. आर्थिक परिस्थिती बिकट असणार्या लाभार्थ्यांना या योजनेचाअधिक फायदा होणार आहे. संबंधित लाभार्थ्यांकडून अर्ज प्राप्त झाल्यानंतर पुढील प्रक्रियेला सुरुवात होणार आहे. त्यामुळे याचा लाभ घेऊ इच्छिणार्यांनी लवकरात लवकर अर्ज करावे असे आवाहन पालिकेच्यावतीने करण्यात आले आहे.
पनवेल मनपाचे कर्करोगग्रस्तांना अर्थसहाय्य
![](https://krushival.in/grygrars/2022/06/IMG_20220130_192939-3.jpg)