गोदामातून आठ एअर पिस्तूल, रायफलीची चोरी

। पनवेल । प्रतिनिधी ।

पनवेल तालुक्यातील साईगाव येथील एका नामांकित कंपनीच्या गोदामातून पाच एअर पिस्तूल आणि तीन एअर रायफलींची चोरी झाल्याची घटना उघडकीस आली आहे. या शस्त्रांची किंमत सुमारे 1 लाख 60 हजार रुपये असून, पनवेल तालुका पोलिसांनी अज्ञात चोरट्याविरोधात गुन्हा दाखल करून तपासाला सुरुवात केली आहे.

साईगाव येथील कॅपिटल लँड प्रा. लि. या गोदामात कंपनीच्या एअर रायफल्स आणि एअर पिस्तूलचा साठा होता. 20 ऑक्टोबर 2025 ते 29 मे 2026 या कालावधीत अज्ञात चोरट्याने येथे शिरून या मौल्यवान शस्त्रांची चोरी केली. गोदामातील साहित्याची काही दिवसांपूर्वी अंतर्गत मोजणी करण्यात शशिकांत भंडारे (50) यांनी पनवेल तालुका पोलीस ठाण्यात तक्रार दाखल केली. त्यानुसार पोलिसांनी अज्ञात चोरट्याविरोधात गुन्हा दाखल केला आहे. तसेच पोलिसांनी परिसरातील सीसीटीव्ही फूटेज आणि इतर तांत्रिक बाबींआधारे अज्ञात चोरट्याचा कसून शोध सुरू केला आहे.