। अलिबाग । प्रतिनिधी ।
शेतकरी व कामगारांचे नेते, गरीबांचे कैवारी, रायगड जिल्हा परिषदेचे माजी अध्यक्ष प्रभाकर पाटील यांची गुरुवारी (दि.23) रोजी अलिबागसह जिल्ह्यामध्ये ठिकठिकाणी जयंती साजरी करण्यात आली. प्रभाकर पाटील यांच्या प्रतिमेस व पुतळ्यास पुष्पहार अर्पण करून त्यांना अभिवादन करण्यात आले. यावेळी भाऊ तथा प्रभाकर पाटील यांच्या कार्याची माहिती देऊन त्यांच्या जुन्या आठवणींना अनेकांनी उजाळा दिला.
अलिबागमधील शेतकरी भवन येथील सभागृहात प्रभाकर पाटील यांची जयंती साजरी करण्यात आली. यावेळी शेकाप सरचिटणीस जयंत पाटील यांनी भाऊंच्या प्रतिमेस पुष्पहार घालून अभिवादन केले. यावेळी शेकाप राज्य महिला आघाडी प्रमुख अॅड. मानसी म्हात्रे, शेकाप राज्य कामगार आघाडी प्रमुख प्रदीप नाईक, कमळाकर वाघमोडे, सुरेश खोत, प्रफुल्ल पाटील, तालुका चिटणीस अनिल पाटील, अनिल गोमा पाटील, सुरेश घरत, नागेश कुलकर्णी, सतीश प्रधान, नरेश गोंधळी, मंगेश पाटील, अशोक प्रधान, अॅड. सचिन जोशी, अॅड. परेश देशमुख, शरद वरसोलकर, अनिल चोपडा, प्रमोद घासे, संजय सारंग, नागेश्वरी हेमाडे आदी शेतकरी कामगार पक्षाचे पदाधिकारी, कार्यकर्ते मोठ्या संख्येने उपस्थित होते. तसेच अलिबागचे माजी नगराध्यक्ष प्रशांत नाईक यांनीदेखील भाऊंच्या प्रतिमेस अभिवादन केले.
रायगड जिल्हा मराठी पत्रकार संघ व स्व. प्रभाकर पाटील सांस्कृतिक कला मंचच्या वतीने प्रभाकर पाटील यांची अलिबागमध्ये जयंती साजरी करण्यात आली. यावेळी स्व. प्रभाकर पाटील सांस्कृतिक कला मंचचे अध्यक्ष सखाराम पवार यांच्या हस्ते प्रभाकर पाटील यांच्या प्रतिमेस पुष्पहार अर्पण करून अभिवादन करण्यात आले. यावेळी रायगड जिल्हा मराठी पत्रकार संघाचे उपाध्यक्ष नागेश कुलकर्णी, भाल येथील ज्येष्ठ नागरिक संघाचे अध्यक्ष श्रीरंग घरत, अलिबाग नगरपरिषदेचे माजी नगरसेवक सतीश प्रधान, ज्येष्ठ नाट्यकर्मी शरद कोरडे, अलिबाग ज्येष्ठ नागरिक संघाच्या उपाध्यक्ष चारुशीला कोरडे, कवी विनोद टेंबूलकर, साहित्यिक राजाराम भगत, प्रभाकर पाटील वाचनालयाच्या ग्रंथपाल ज्योती म्हात्रे, कर्मचारी झेबा कुरेशी आदी मान्यवर, कर्मचारी उपस्थित होते. यावेळी नागेश कुलकर्णी यांच्यासह अनेक मान्यवरांनी प्रभाकर पाटील यांच्या कार्याची माहिती देत जुन्या आठवणींना उजाळा दिला. रायगड जिल्हा परिषदेच्या वतीनेदेखील प्रभाकर पाटील यांची जयंती साजरी करण्यात आली. जिल्हा परिषदेच्या आवारात असलेल्या प्रभाकर पाटील यांच्या पुतळ्यास अतिरिक्त मुख्य कार्यकारी अधिकारी सत्यजित बडे यांच्या हस्ते पुष्पहार घालून अभिवादन करण्यात आले. यावेळी जिल्हा परिषदेचे विविध विभागोतील अधिकारी व कर्मचारी उपस्थित होते. जिल्ह्यातील तालुका चिटणीस व शैक्षणिक, कला, सांस्कृतिक सामाजिक अशा वेगवेगळ्या संस्थेच्या वतीने प्रभाकर पाटील यांच्या पुतळ्यास व प्रतिमेस पुष्पहार घालून अभिवादन करण्यात आले.