रायगड जिल्हा बुद्धिबळ संघ निवड स्पर्धा

। पनवेल । वार्ताहर ।
रायगड जिल्हा बुद्धिबळ संघटनेच्या मान्यतेने आणि पनवेल तालुका बुद्धिबळ संघटना आयोजित वयोगट 10 आणि 14 वर्ष मुले आणि मुली यांची राज्यस्पर्धेसाठी निवड स्पर्धेचे आयोजन रविवारी (दि.10) सकाळी 9.30 वाजता संजीवनी इंटरनॅशनल स्कूल, प्लॉट 71, 72, सेक्टर 18 खारघर – रायगड येथे केले आहे. 10 व 14 वर्ष वयोगटामधून प्रत्येकी 2 मुले आणि 2 मुली हे रायगड जिल्ह्याचे प्रतिनिधित्व करणार आहेत. 10 वयोगटाची राज्य स्पर्धा कोल्हापूर येथे 14 आणि 15 एप्रिलला तर 14 वर्षाची राज्य स्पर्धा 29 एप्रिल ते 1 मे पर्यंत सोलापूर येथे होणार आहे. 10 वर्षा खालील गटात खेळण्यासाठी जन्मतारीख 1 जानेवारी 2012 नंतरची आणि 14 वर्ष गटासाठी 1 जानेवारी 2008 नंतरची असणे आवश्यक आहे. स्पर्धेत प्रत्येकी पंचवीस मिनिटे वेळ डावासाठी दिला जाईल. सर्व स्पर्धकांना सर्टिफिकेट दिली जाणार आहेत. प्रत्येकी गटातील पाहिले येणारे चार स्पर्धकांना ट्रॉफी देण्यात येणार आहे. या स्पर्धेची प्रवेश फी 300 रूपये असणार आहे. अधिक माहितीसाठी विलास म्हात्रे 8888011411, चंद्रशेखर पाटील 9326504179, अमित कदम 9619190781 यांच्याशी संपर्क साधण्याचे आवाहन करण्यात आले आहे.