रायगड जिल्ह्याचा 14 वर्षांखालील मुलांचा  क्रिकेट संघ जाहीर

अथर्व  पाटील कर्णधार

| अलिबाग | प्रतिनिधी |

महाराष्ट्र क्रिकेट असोसिएशनच्या 14 वर्षांखालील कुमारांच्या आमंत्रितांच्या साखळी स्पर्धा 2022- 2023 करीता रायगड जिल्ह्याचा संघ निवडण्यात आला आहे. या संघाच्या कर्णधारपदी अथर्व नीलेश पाटील याची निवड करण्यात आली आहे, अशी माहिती  रायगड जिल्हा  क्रिकेट असोसिएशनचे संघ अध्यक्ष चंद्रकांत मते यांनी दिली.

14 वर्षांखालील कुमारांच्या आमंत्रितांच्या साखळी स्पर्धेला 15 डिसेंबर 2023 पासुन पुणे येथे सुरवात होईल. या  स्पर्धेत 9 गटात प्रत्येकी 4 संघ असा एकूण 36 संघांचा समावेश आहे. रायगडचा एफ गटात समावेश आहे. या गटात रायगडसह पुणे जिल्हा क्रिकेट असोसिएशन, जळगाव, सेक्रेटरी 11 हे संघ आहेत.  रायगड जिल्हा क्रिकेट असोसिएशनचे अध्यक्ष  चंद्रकांत मते व इतर सर्व सदस्यांनी रायगड जिल्ह्याच्या  संघाला शुभेच्छा दिल्या.

रायगडचा संघ :  अथर्व नीलेश पाटील (कर्णधार), क्रीश अंकल बाहीरा, शौर्या कुंदन पाटील, पंकज प्रकाश इटकर, शौर्य रविंद्र गायकवाड, आदित्य सचिन पांडे, रचित मनिष करीया (यष्टीरक्षक), जीग्नेश शरद म्हात्रे, आर्यन दिलीप निकाळजे, अमय जयवंत भोसले, यशराज संदीप भोसले, रुतुराज राजेश पाटील, आर्यक नरेंद्रकुमार जाधव, आरुष सचिन कोल्हे. स्टँड बाय : पार्थ मंगेश पवार, आराध्य निलेश पाटील, मिथीलेश नंदकुमार म्हात्रे, नीलेश रामशंकर यादव, श्लोक विक्रांत कोळी, रुषिकेश स्वप्नील पिंपळकर. रीजर्व:  रुद्र महेश खोपकर, युवराज संदीप ठाकुर, अर्नव अविरत हसपाटील, केदार निलेश निसर्ग, आर्यन प्रकाश जाधव.