मतदान यंत्रांची सरमिसळ प्रक्रिया पूर्ण

| रायगड | प्रतिनिधी |

रायगड आणि मावळ लोकसभा मतदारसंघातील सात विधानसभा मतदारसंघनिहाय मतदान केंद्रानुसार मतदान यंत्रांची (ईव्हीएम) प्रथम सरमिसळ प्रक्रिया (रॅण्डमायझेशन) पूर्ण झाल्याची माहिती जिल्हाधिकारी तथा जिल्हा निवडणूक निर्णय अधिकारी किशन जावळे यांनी दिली.

उपजिल्हा निवडणूक अधिकारी स्नेहा उबाळे, उपजिल्हाधिकारी ज्ञानेश्‍वर खुटवड तसेच इतर वरिष्ठ अधिकारी आणि राजकीय पक्षाच्या प्रतिनिधींच्या उपस्थितीत निवडणूक आयोगाच्या देखरेखीखाली ऑनलाईन पद्धतीने ही सरमिसळ करण्यात आली. जिल्ह्यातील मतदार संख्येच्या प्रमाणानुसार, 2 हजार 719 मतदान केंद्र आहेत. सध्या रायगड जिल्ह्यासाठी सहा हजार 780 बॅलेट युनिट, तीन हजार 774 कंट्रोल युनिट तर तीन हजार 952 व्होटर व्हेरिफाईड पेपर ऑडिट ट्रेल (व्हीव्हीपॅट) उपलब्ध आहेत. या सर्व विधानसभा मतदार संघात मतदान केंद्राच्या 138 टक्के बॅलेट आणि कंट्रोल युनिट वाटप करण्यात येणार आहे. तर 145 टक्के व्हीव्हीपॅट वाटप करण्यात येणार आहेत. प्रत्येक मतदार संघनिहाय मतदान यंत्र, कंट्रोल युनिट आणि व्हीव्हीपॅट मशीन देण्यात येणार आहे. सध्या ही यंत्र जिल्हास्तरावर स्ट्रॉँगरूममध्ये ठेवली आहेत.