पीएनपीच्या विद्यार्थ्यांची जिल्हास्तरीय स्पर्धेसाठी निवड

। अलिबाग । प्रतिनिधी ।

जिल्हा क्रीडा अधिकारी रायगड व जेएसएम कॉलेज अलिबाग यांच्या संयुक्त विद्यमाने अलिबाग तालुकास्तरीय शालेय हॉलिबॉल स्पर्धा घेण्यात आल्या होत्या. या स्पर्धेत पीएनपी होली चाईल्ड स्कूल वेश्‍वी अलिबाग शाळेतील विद्यार्थ्यांनी घवघवीत यश संपादन केले. या स्पर्धेत 14 वर्ष वयोगट मुले प्रथम क्रमांक, 17 वर्ष वयोगट मुले तृतीय क्रमांक, 17 वर्ष वयोगट मुली तृतीय क्रमांक मिळवून त्यांची जिल्हास्तरीय हॉलिबॉल स्पर्धेत निवड झाली आहे.

या नेत्रदीपक यशाबद्दल पीएनपी एज्युकेशन सोसायटीच्या कार्यवाह चित्रलेखा नृपाल पाटील, होली चाईल्ड एसएससी बोर्डच्या मुख्याध्यापिका निसर्गा चेवले व उपमुख्याध्यापिका शर्मिला शेट्टे, क्रीडा प्रशिक्षक अक्षय डाकी व शिक्षकेतर कर्मचार्‍यांनी अभिनंदन करून पुढील वाटचालीसाठी शुभेच्छा दिल्या.