भेरसे येथील महिलांना स्वसंरक्षण प्रशिक्षण

। अलिबाग । प्रतिनिधी ।

गेल इंडिया लिमिटेड, उसर यांच्यावतीने रा.जि.प. शाळा, देऊळ भेरसे येथील विद्यार्थिनींसाठी व महिलांसाठी पाच दिवसीय मोफत स्वसंरक्षण स्वयंसिद्धा प्रशिक्षण शिबिराचे आयोजन मुख्य महाप्रबंधक पीडीएचपीपी प्रोजेक्ट गेल उसर अनुप गुप्ता, महाप्रबंधक जितिन सक्सेना, मुख्य प्रबंधक शितल लाकरा यांच्या प्रमुख मार्गदर्शनाखाली करण्यात आले असून सदर प्रशिक्षण शिबिराचे उद्घाटन रा.जि.प शाळा, देऊळ भेरसे मुख्याध्यापिका अस्मिता साळुंके यांच्या हस्ते करण्यात आले.

यावेळी तपस्वी गोंधळी, शुभांगी राणे, अश्‍विनी पाटील, साधना पाटील, प्रणाली तळेगावकर, मनीषा माने, दिव्या शिंदे, निकी बेंडे व प्रशिक्षणार्थी उपस्थित होते. स्मिता साळुंके यांनी प्रशिक्षण शिबिरात सहभागी झालेल्या मुलींना शुभेच्छा देत स्वसंरक्षणाचे महत्त्व सांगितले. गेल इंडिया लिमिटेड उसर यांच्यावतीने आयोजित स्वसंरक्षण प्रशिक्षणामुळे मुलींमध्ये आत्मविश्‍वास निर्माण होईल तसेच, त्यांनी तपस्वी गोंधळी यांच्या कार्याची माहिती उपस्थित विद्यार्थिनींना देत प्रिझम संस्थेस शुभेच्छा दिल्या. तर तपस्वी गोंधळी यांनी या पाच दिवसाच्या स्वयंसिद्धा प्रशिक्षण शिबिरामध्ये कशाप्रकारे प्रशिक्षण दिले जाणार आहे याविषयी माहिती दिली.