। अलिबाग । प्रतिनिधी ।
नगरपरिषद निवडणुकांच्या पार्श्वभूमीवर मतदान केंद्रात उभारण्यात आलेले सेल्फी पॉईंट मतदारांचे खास आकर्षण ठरले. ‘मी मतदान केले, तुम्ही पण करा’ असे या सेल्फी पॉईंटवर लिहण्यात आले आहे. अनेक मतदारांनी मतदानाची निशाणी दाखवत सेल्फी पॉईंटला फोटो काढण्याचा आनंद घेतला. दरम्यान, पहिल्यांदाच मतदानाचा हक्क बजावणाऱ्या तरुण – तरुणींमध्ये मोठ्या प्रमाणात उत्साह दिसून आला.
तरुणांसह ज्येष्ठ नागरिकांमध्येदेखील मतदानाचा उत्साह दिसून आला. वृद्ध महिला कुटुंबियांचा व व्हीलचेअरचा आधार घेत मतदान केंद्रात पोहोचल्याचे दिसून आले.