राजिप शाळेत शिवजयंती उत्सव उत्साहात संपन्न

। म्हसळा। वार्ताहर ।
म्हसळ्यातील राजिप शाळा तोंडरे येथे महाराष्ट्राचे आराध्य दैवत श्री शिव छत्रपती शिवाजी महाराज यांची जयंती मोठ्या उत्साहात साजरी करण्यात आली. कार्यक्रमाच्या सुरूवातीला नाईक सरांनी सर्व गुरुजन वर्ग आणि विद्यार्थ्यांचे स्वागत केले. यानंतर शाळेचे मुख्याध्यापक वाघ सर, पदवीधर शिक्षक वसंत मोकल सर , तुकाराम शिंदे , बालाजी जकाकुरे, महेंद्र जोशी, प्रभात नाईक यांनी प्रतिमेचे पूजन केले. यावेळी इयत्ता १ ली ते ८ वी च्या मुलांनी मुलांनी भाषणातून छत्रपती शिवाजी महाराज यांचे जीवन कथन केले. काही विद्यार्थ्यांनी पाळणा आणि ओव्या कथन करून सर्वांना मंत्रमुग्ध केले . सदर कार्यक्रमाचे आभार प्रदर्शन जकाकुरे सर यांनी केले.