धक्कादायक! सहा वर्षांपासून सातत्याने महिलेवर अत्‍याचार

पाच जणांवर गुन्हा दाखल

| महाड | प्रतिनिधी ।

सहा वर्षांपासून सातत्याने महिलेवर बलात्कार करून तिचे मोबाइलद्वारे अश्लील व्हिडिओ आणि फोटो व्हायरल करणे, तसेच त्या बदल्यात पैसे उकळणाऱ्या एका मुख्य आरोपीसह अन्य चार जणांवर महाड शहर पोलीस ठाण्यात गुन्हा दाखल करण्यात आला आहे.

याबाबत पोलीस सूत्रांकडून मिळालेल्या सविस्तर माहितीनुसार, या तक्रारदार महिलेवर 2018 पासून मुख्य आरोपीद्वारे बलात्कार करण्यात आला. तसेच मोबाईलवर तिचे अश्लील फोटो व व्हिडिओ काढून ते आपल्या मित्रांमध्ये व्हायरल केले. त्यानंतर इतर अन्य ठिकाणी व्हायरल करण्याची धमकी देत त्या बदल्यात 2 लाख 20 हजार रुपये उकळले असल्याची धक्कादायक माहिती समोर आली आहे. याबाबत 14 फेब्रुवारी रोजी सायंकाळी पीडित महिलेने तक्रार दाखल केली आहे. मुख्य आरोपी इमरान इब्राहिम अंतुले, रा. चांढवे, महाड याच्यासह सनाउल्ला पोरे, अयनान सनाउल्ला पोरे, दोघेही राहणार गोरेगाव, माणगाव, मैनुद्दीन हिदायत ढोकले राहणार लाडवली मोहल्ला महाड आणि अकील अफसर फामे राहणार महाड रायगड अशी आरोपींची नावे आहेत. महाड शहर पोलीस ठाण्याचे पोलीस निरीक्षक रमेश तडवी या घटनेचा अधिक तपास करीत आहेत.