श्रेयस अय्यर सिडनी रुग्णालयात आयसीयुमध्ये

| सिडनी | वृत्तसंस्था |

भारतीय एकदिवसीय संघाचा उपकर्णधार श्रेयस अय्यरला सिडनी येथील रुग्णालयात दाखल करण्यात आले आहे. तो सध्या अतिदक्षता विभागात (आयसीयू) आहे. मिळालेल्या माहितीनुसार, ऑस्ट्रेलियाविरुद्धच्या तिसऱ्या सामन्यादरम्यान झालेल्या बरगडीच्या दुखापतीमुळे त्याला अंतर्गत रक्तस्त्राव होत आहे.

शनिवारी (25 ऑक्टोबर) तिसऱ्या एकदिवसीय सामन्यात अय्यरने बॅकवर्ड पॉइंटवरून ॲलेक्स कॅरीला बाद करण्यासाठी एक शानदार झेल घेतला. या दरम्यान त्याच्या डाव्या बरगडीला दुखापत झाली. तो ड्रेसिंग रूममध्ये परतला आणि त्याला ताबडतोब रुग्णालयात नेण्यात आले. श्रेयस गेल्या काही दिवसांपासून आयसीयूमध्ये आहे. रिपोर्ट्स आल्यानंतर, अंतर्गत रक्तस्त्राव झाल्याचे आढळून आले आणि त्याला ताबडतोब हॉस्पिटलमध्ये दाखल करावे लागले. त्याला दोन ते सात दिवस निरीक्षणाखाली ठेवले जाईल, कारण रक्तस्त्राव संसर्गात पसरण्यापासून रोखणे महत्वाचे आहे, असे एका सूत्राने पीटीआयला सांगितले.