| मुंबई | प्रतिनिधी |
भारतीय महिला संघाची उपकर्णधार स्मृती मंधाना हिने वैयक्तिक आयुष्यातील संकटांवर मात करत जोरदार पुनरागमन केलं आहे. स्मृतीने पलाश मुच्छल याच्यासोबत लग्न मोडल्यानंतर धमाका केला आहे. स्मृती आणि भारतीय क्रिकेट संघाने एकदिवसीय विश्वचषकानंतर आपल्याच पहिल्याच आंतरराष्ट्रीय आणि टी- 20 सामन्यात श्रीलंकेवर दणदणीत विजय मिळवला. भारताने विशाखापट्टणममध्ये 122 धावांचं आव्हान हे 2 गडी गमावून पूर्ण केलं. भारताने 8 बळी घेत सामना जिंकला. भारताने यासह 5 सामन्यांच्या मालिकेत 1-0 ने आघाडी घेतली. भारताच्या या विजयात स्मृतीने छोटी पण निर्णायक खेळी केली. स्मृतीने यासह ऐतिहासिक कामगिरी केली.
स्मृतीने या सामन्यात 100 च्या स्ट्राईक रेटने 25 चेंडूमध्ये 25 धावा केल्या. स्मृतीने या दरम्यान 4 चौकार लगावले. स्मृतीची या दरम्यानची 18 वी धाव अविस्मरणीय अशी ठरली. स्मृतीने यासह 4 हजार टी 20 धावा पूर्ण केल्या. स्मृतीने यासह विश्वविक्रम केला. स्मृती महिला टी- 20 क्रिकेटमध्ये वेगवान 4 हजार धावा करणारी पहिली तर एकूण दुसरी फलंदाज ठरली.
स्मृतीने वेगवान 4 हजार टी- 20 धावा करण्याबाबत न्यूझीलंडच्या सुझी बेट्स हीचा विश्वविक्रम मोडीत काढला. स्मृतीने 3 हजार 227 चेंडूत 4 हजार धावा पूर्ण केल्या. तर सुझीला 4 हजार धावांसाठी 3 हजार 675 चेंडूचा सामना करावा लागला होता. तसेच या फॉर्मेटमध्ये सर्वाधिक धावांचा विक्रमही सुझीच्या नावावर आहे. तर स्मृती दुसऱ्या स्थानी विराजमान आहे. सुझीने 4 हजार 716 धावा केल्या आहेत. तर तिसऱ्या स्थानी भारतीय कर्णधार हरमनप्रीत कौर विराजमान आहे.
स्मृती पहिली सक्रिय भारतीय क्रिकेटर
तसेत स्मृतीने 4 हजार टी 20 धावा पूर्ण करत बहुमान मिळवला आहे. स्मृती अशी कामगिरी करणारी तिसरी तर पहिली सक्रिय भारतीय क्रिकेटर (महिला+पुरुष) ठरली आहे. भारतासाठी आतापर्यंत रोहित शर्मा आणि विराट कोहली या दोघांनी टी- 20 क्रिकेटमध्ये 4 हजार धावा केल्या आहेत. मात्र, रोहित आणि विराट या दोघांनीही या फॉर्मेटमधून निवृत्ती घेतली आहे. रोहितने टी- 20 कारकीर्दीत 4 हजार 231धावा केल्या आहेत. तर विराटच्या नावावर 4 हजार 188 धावांची नोंद आहे.