भरधाव कारची दुचाकीला धडक; तरुणाचा मृत्यू

। पनवेल। वार्ताहर।

भरधाव कारची धडक एका टीव्हीएस ज्युपिटर गाडीला बसून त्यात एकाचा दुर्दैवी मृत्यू झाल्याची घटना घडली आहे. तळोजा येथे कारने टीव्हीएस ज्युपिटरला धडक दिली. या अपघातात किरवली येथील प्रमोद पाटील (35) यांचा मृत्यू झाला. प्रमोद पाटील हा मोटारसायकलवरून किरवली गावात जात होता. मुंब्रा-पनवेल हायवेवर शिवम ट्रान्सपोर्टसमोर हा अपघात झाला. तळोजा पोलिसांनी चालकाविरोधात गुन्हा दाखल केला आहे.