भरधाव कारची डंपरला धडक; दोघेजण जखमी

| पनवेल | वार्ताहर |

भरधाव स्विफ्ट गाडीने एका डंपरला पाठीमागून धडक दिल्याने झालेल्या अपघातात स्वीफ्ट गाडीतील दोघेजण जखमी झाल्याची घटना पनवेल शहर पोलीस ठाण्याच्या हद्दीत घडली आहे. ॠषिकेश शिंदे (28) रा.नांदेड व त्यांच्या सोबत असलेले वैभव बावनकर (26) रा.नागपूर हे त्यांच्या ताब्यातील स्वीफ्ट गाडी घेवून पनवेल जवळील साई विभुती वजनकाटा येथून जात असताना त्यांनी त्यांच्या पुढे चाललेल्या डंपरला पाठीमागून धडक दिल्याने झालेल्या अपघातात हे दोघेजण जखमी झाले आहेत. या अपघाताची नोंद पनवेल शहर पोलीस ठाण्यात करण्यात आली आहे.