राज्यस्तरीय निबंध स्पर्धा

। मुंबई । प्रतिनिधी ।

विज्ञानलेखनाला प्रोत्साहन तसेच विज्ञान व्यक्त करण्यासाठी मराठी भाषा समृध्द करण्याच्या उद्देशाने, मराठी विज्ञान परिषदेतर्फे राज्यस्तरीय विज्ञान निबंध स्पर्धा घेतली जाते. विद्यार्थी गटासाठी (इ. बारावीपर्यंत) विषय ‘इ-कचरा’ आणि खुल्या गटासाठी ‘प्रकाश प्रदूषण’ हे विषय आहेत. निबंध स्पर्धेकरिता शब्दमर्यादा 1500 ते 2000 इतकी असून अतिंम मुदत 31 ऑगस्ट आहे. शैक्षणिक गटात रु.2,000 व रु.1,500 आणि खुल्या गटात रु.2,500 व रु.2,000 अशी पारितोषिके आहेत. या विनाशुल्क स्पर्धेच्या अधिक माहितीसाठी चुना भट्टी (पू.) येथील वि.ना.पुरव मार्गावरील मराठी विज्ञान परिषद (022) 48263750 किंवा 48260094 यांच्याशी संपर्क साधण्याचे आवाहन करण्यात आले आहे.