बॉक्सिंगमध्ये माथेरानच्या विद्यार्थ्यांचे यश
| नेरळ | प्रतिनिधी |
महाराष्ट्र राज्य थाई बॉक्सिंग असोसिएशनच्या मान्यतेने ठाणे येथे जिल्हास्तरीय थाई बॉक्सिंग स्पर्धेचे आयोजन करण्यात आले होते. या स्पर्धेत ठाणे आणि रायगड जिल्ह्यातील बॉक्सिंगपटू सहभागी झाले होते. या स्पर्धेत नेरळजवळील वंजारपाडा येथील माथेरान व्हॅली इंग्लिश मीडियम स्कूलच्या विद्यार्थ्यांनी घवघवीत यश मिळविले.
या स्पर्धेत ठाणे आणि रायगड जिल्ह्यातील अनेक शाळा, महाविद्यालयांमधील बॉक्सिंगपटू सहभागी झाले होते. कर्जत तालुक्यातील वंजारपाडा येथील माथेरान व्हॅली इंग्लिश मीडियम स्कूलच्या खेळाडूंनी अनेक पदकांची कमाई केली. स्कुल गेम फेडरेशन ऑफ इंडिया यांच्या माध्यमातून या स्पर्धेचे आयोजन करण्यात आले होते. ही स्पर्धा 30 ते 70 किलो वजनी गटात वेगवेगळ्या स्वरूपात खेळविली गेली.
या स्पर्धेत थाई बॉक्सर वेदिका पेरणे, गार्गी ठोंबरे, झरा शेख, नीरजा माळी, रुपाली भुरभुडा, प्रथम गरुडे, समीर रावते यांनी सुवर्णपदके प्राप्त केली. तर कुणाल भुसाटे, दीपक तळपाडे, हस्तिका रोज, श्वेता जाधव, यश इंदुलकर, फैज शेख यांनी रौप्यपदक आणि श्रेया नायडू, श्रुती किर्ले, राणी दवडा, ऋतुजा इड, दीक्षांत भोईर, अंश मुजुमदार, पंकज विरले, कुणाल दळवी, सुनील सोनावणे, रुपेश इड आणि प्राची मिश्रा यांनी कांस्यपदक मिळविले.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.