शाळेत अल्पवयीन मुलीची आत्महत्या
| मुंबई | प्रतिनिधी |
मुंबईतल्या एका आंतरराष्ट्रीय दर्जा असलेल्या शाळेत अल्पवयीन मुलीने आत्महत्या केल्याची घटना घडली. या मुलीचा मृतदेह शाळेच्या प्रसाधनगृहात आढळून आला. ही मुलगी 11 वीला शिकत होती. तिने बुटाच्या नाडीने गळफास घेऊन आत्महत्या केल्याची माहिती पोलीस निरीक्षक रवींद्र पाटील यांनी दिली. या प्रकरणात आरे पोलीस ठाण्यात आत्महत्येचा गुन्हा नोंद करण्यात आला आहे. 11 वीत शिकणारी ही मुलगी गेल्या दोन महिन्यांपासून नैराश्यात होती. ती नेहमीप्रमाणे शाळेत गेली. त्यानंतर तिचे कराटे क्लास सुरु असताना ती मुलगी प्रसाधनगृहात गेली. मात्र प्रसाधनगृहातून बराच वेळ झाला तरीही कराटे क्लासला आली नाही. शाळेत हजेरी घेणार्यांनी प्रसाधनगृहात जावून पाहिलं तेव्हा प्रसाधनगृहाचं दार बंद आढळून आलं. त्यानंतर प्रसाधनगृहाचा दरवाजा तोडण्यात आला. त्यावेळी ही मुलगी गळफास लावलेल्या अवस्थेत आढळून आली.
यानंतर शाळा प्रशासनाने तातडीने या मुलीला रुग्णालयात नेलं. मात्र डॉक्टरांनी तिला मृत घोषित केलं. या मुलीच्या पालकांनी कुठलाही संशय व्यक्त केला नाही. घटनास्थळावर करण्यात आलेल्या तपासात पोलिसांना कोणतीही सुसाईड नोट सापडली नाही. पोलिसांनी मृत विद्यार्थिनीच्या पालकांना कोणावर संशय आहे का? या घटनेबद्दल विचारले असता, पालकांनी कोणावरही संशय नसल्याचे सांगितलं.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.