280 थकबाकीदारांची वीज तोडली
24,75,988 रुपये थकबाकी येणे बाकी
| तळा | वार्ताहर |
तळा तालुक्यातील वीजबिल थकबाकीदारांवर महावितरण विभागाकडून कारवाई करण्यात येत आहे. तालुक्यातील घरगुती, व्यावसायिक, कृषी व औद्योगिक अशा एकूण 280 थकबाकीदारांचे महावितरणने वीज कनेक्शन तोडून कारवाई केली आहे.
तळा तालुक्यात महावितरण विभागाने सध्या नागरिकांकडून थकीत वीजबिल वसुलीचा तगादा लावला आहे. ज्या नागरिकांचे वीजबिल बाकी आहे, अशा नागरिकांकडून महावितरण विभागाच्या अधिकारी व कर्मचार्यांमार्फत वीजबिल वसुली करण्यात येत असून, वेळेत वीजबिल न देणार्या ग्राहकांचे वीज कनेक्शनदेखील तोडण्यात येत आहे. आधीच दररोजचे भारनियमन व महागाईने त्रस्त झालेल्या नागरिकांना या महिन्यात वीज बिलासोबत अतिरिक्त ठेवी शुल्कदेखील आकारण्यात आले आहे. तसेच ही सेक्युरिटी डिपॉझिटची रक्कम भरली नाही तर ग्राहकांचे वीज कनेक्शन तोडण्यात येणार असल्याचा इशाराही महावितरण विभागाकडून देण्यात आला आहे.
एकूण 24,75,988. रुपये थकबाकी
प्रकार एकूण ग्राहक थकबाकी
घरगुती 2516 20,48,688
व्यावसायिक 77 2,32,543
औद्योगिक 23 75,574
कृषी 79 1,19,183
थकीत वीजबिल ग्राहकांकडे आमचे कर्मचारी वीजबिल वसुलीसाठी जातात. आम्ही दोन ते तीन वेळा त्यांना वीजबिल भरण्यासाठी सांगतो. मात्र, तरीही ग्राहकांनी वीजबिल भरले नाही तर संबंधित ग्राहकाला नोटीस बजावून त्याचे वीज कनेक्शन तोडण्यात येते.
के.डी. महिंद्रीकर, उपकार्यकारी अभियंता तळा