तैपेई ओपन जिंकणारी तन्वी ठरली तरुण बॅडमिंटनपटू

। तैपेई । वृत्तसंस्था ।

भारताची युवा बॅडमिंटन स्टार तन्वी शर्माने तैपेई ओपन सुपर-300 स्पर्धेत महिला एकेरीचे विजेतेपद पटकावून इतिहास रचला आहे. पंजाबच्या या 17 वर्षीय बॅडमिंटनपटूने अंतिम सामन्यात व्हिएतनामच्या सहाव्या मानांकित थुई लिन गुयेनचा 21-16, 21-16 असा पराभव करून आपल्या कारकिर्दीतील पहिले बीडब्ल्यूएफ वर्ल्ड टूर विजेतेपद पटकावले. हा सामना केवळ 36 मिनिटे चालला. 2008 ची विजेती सायना नेहवालनंतर तैपेई ओपन महिला एकेरीचे विजेतेपद जिंकणारी तन्वी ही पहिली भारतीय बॅडमिंंटनपटू ठरली आहे. तिच्या कारकिर्दीतील हे पहिले बीडब्ल्यूएफ सुपर-300 विजेतेपदही आहे. गेल्या वर्षी, ती यूएस ओपन सुपर-300 च्या अंतिम फेरीत पोहोचली होती, पण उपविजेती ठरली होती. या विजयामुळे, तन्वी तैपेई ओपनच्या इतिहासातील कोणत्याही गटातील सर्वात तरुण विजेती ठरली आहे. 17 वर्षे आणि 222 दिवसांची असताना, तन्वी तैपेई ओपनच्या इतिहासातील सर्वात तरुण विजेती, तसेच स्पर्धेतील सर्वात तरुण अंतिम फेरीतील बॅडमिंटनपटू ठरली.