शिक्षण परिषदेच्या नावाने गुरुजी माथेरान पर्यटनस्थळी
| पाताळगंगा | प्रतिनिधी |
खालापूर तालुक्यातील रायगड जिल्हा परिषेद शाळेत विद्यार्थ्यांना शिक्षण देणारे व काही शाळेवर आसणारे केंद्रप्रमुख यांनी माथेरान येथे एक दिवशीय राजिप शाळा हशाची पट्टी माथेरान येथे संयुक्त शिक्षण परिषद घेण्यात आली होती. यावेळी 80 ते 85 शिक्षक या परिषदेला उपस्थित राहण्यांची परवानगी गट शिक्षणाधिकारी यांनी दिली होती. मात्र, कोणत्याही प्रकारचे पारिपत्रक नसतानाही खालापूर तालुक्यातील केंद्र प्रमुख आणी शिक्षक उपस्थित राहिल्यामुळे एकच चर्चेला उधान आले आहे.
शिक्षण परिषद ही निसर्गरम्य वातावरण असलेले थंड हवेचे ठिकाण माथेरान येथील रायगड जिल्हा परिषद शाळा हाशाची पट्टी ह्या शाळेत घेण्यात आली. डोंगराळ भागात असून साधारण दोन अडीच तास प्रवास तोही पायी प्रवास करून जावे लागते. तीव्र उतार, अश्या स्वरूपाचा मार्ग असून शाळेत जाण्यासाठी मोठी कसरत करावी लागते. मात्र विद्यार्थ्यांचा अभ्यास बुडवून आणि शाळेला दांडी मारून शिक्षक व केंद्रप्रमुख माथेरानचा आनंद लुटण्यासाठी गेल्यामुळे काही शिक्षकांनी नाराजी व्यक्त केली. खालापूर तालुक्यातील वावर्ले व जांबरुंग केंद्रांनी ही शिक्षण परिषद आयोजित करण्यात आली. मात्र कोणतेही निमंत्रण, नसतानाही खालापूर, आत्कारगाव, कारगाव, कलोते, ठाकुर वाडी, वणवे -निंबोडे येथील शिक्षक येथे कार्यक्रमास गेले होते.
माथेरान राजिप शाळा हशाची पट्टी येथे सयुक्त शिक्षक परिषद ठेवण्यात आली होती. मात्र काही शिक्षकांना निमंत्रण होते की नव्हते हे तपासले जाईल किंवा ते रजा टाकून गेले होते का, शाळेला सुट्टी घेऊून गेले होते का? त्याचबरोबर केंद्र प्रमुख गेले असतील तर ठीक आहे. तसेच यापुढे प्रत्येक शिक्षकाला समन्स दिली जाईल आणि सोमवारी चौकशी करण्यात येईल, त्याचबरोबर शिक्षण परिषद त्याच तालुक्यात घेण्यात येईल.
-दिपा परब,
गटशिक्षणााधिकारी, खालापूर