साडेनऊपर्यंत दहा टक्के मतदान

| रायगड | जिल्हा प्रतिनिधी |

रायगड जिल्ह्यातील दहा नगरपरिषदेच्या निवडणूकीचे मतदान मंगळवारी सकाळी साडेसात वाजण्याच्या सुमारास सुरु झाले. मतदानाच्यावेळा सुरुवातीपासून मतदारांकडून उत्स्फुर्त प्रतिसाद मिळाला. साडेनऊ वाजेपर्यंत दोन तासात 10.7 टक्के मतदान झाल्याची माहिती जिल्हा प्रशासनाकडून उपलब्ध झाली आहे. त्यात कर्जत 11.17 टक्के, अलिबाग 10.65 टक्के, माथेरानमध्ये 11.44, मुरूडमध्ये 13.39, श्रीवर्धनमध्ये  11.3 टक्के, खोपोलीमध्ये 8.36 टक्के, उरणमध्ये 8.53 टक्के, पेणमध्ये 10.34 टक्के,  महाडमध्ये 11.6 टक्के  व रोहामध्ये  10.93 टक्के मतदान झाले. 23 हजार 910 मतदारांनी मतदान केले. त्यात 14 हजार 113 पुरुष व नऊ हजार 797 महिला मतदारांनी मतदानाचा या कालावधीत बजावला असल्याचे सांगण्यात आले.