चेन्नईची धुरा मराठी माणसाच्या हाती

| चेन्नई | वृत्तसंस्था |

चेन्नई सुपर किंग्सचा संघ आपला कर्णधार बदलणार, याची जोरदार चर्चा सुरु झाली होती. पण यावर्षी महेंद्रसिंग धोनी हा चेन्नईचा कर्णधार असेल, असे म्हटले जात होते. पण चेन्नईच्या संघाने पहिल्या सामन्यापूर्वी सर्वांना धक्का दिला आहे. कारण पहिल्या सामन्यापूर्वी आता चेन्नईच्या संघाने आपला कर्णधार बदलला आहे.

चेन्नईकडून खेळताना धोनीचे हे अखेरचे वर्ष आहे, असे म्हटले जात होते. गेल्या वर्षी धोनीच्या नेतृत्वाखाली चेन्नईच्या संघाने जेतेपद जिंकले होते. त्यामुळे आता यावर्षी धोनीच्या नेतृत्वाखाली चेन्नईचा संघ कशी कामगिरी करतो, याकडे सर्वांचे लक्ष लागलेले होते. पण चेन्नईच्या संघाने यावेळी आपला कर्णधारच बदलला, त्यामुळे आता धोनी हा चेन्नईचा कर्णधार असणार नाही. धोनीच्या जागी आता चेन्नईच्या कर्णधारपदाची जबाबदारी आता ऋतुराज गायकवाडकडे सोपवण्यात आली आहे. त्यामुळे आता ऋतुराज हा चेन्नईचा नवा कर्णधार आहे.