| मुरुड-जंजिरा | प्रतिनिधी |
मुरुड शहरात मस्त गुलाबी थंडीचे वातावरण असल्याने रविवार सुट्टी पर्यटक मुरुडच्या किनाऱ्यावर येणे पसंत करत आहेत. थंडीत विविध पर्यटनस्थळांवर पर्यटकांची गर्दी राहणार आहे. दिवाळीला लागून आलेल्या विकेंडमुळे पर्यटनप्रेमींना मोठा लाभ झाला असून, मुरुड शहरात पाऊस गेल्याने वातावरण आल्हाददायक व सुंदर आहे. समुद्र शांत असल्याने मासेमारी चांगली होत असल्याने पर्यटक मनसोक्त ताजे मासे खाण्याचा आनंद घेत आहेत.
मुरुड समुद्रकिनारी असलेली सर्व हॉटेल रंगरंगोटी, विविध रंगाची रोषणाई, नवनवीन चविष्ट पदार्थांची दुकाने, समुद्रावर घोडसावरी, मोटार बाईक, पाणीपुरी, भेळ पुरी अशा विविध दुकानांनी किनारा बहरला आहे. नगरपालिकेने समुद्रकिनारी असलेली विश्राम धाम या बागेचे नूतनीकरण केल्याने त्याचा लाभ पर्यटकांना झाला. पालिकेचे कर्मचारी समुद्रकिनारी दिवसातून 3 वेळा स्वच्छ करतात. मुरुडला असणारे जलदुर्ग जंजिरा व पदमदुर्ग पर्यटकांसाठी सज्ज झालेत. पार्किंग झाल्याने पर्यटक गाडी पार्क करून तात्काळ समुद्रारात उतरतात. मुरुडपासून जवळच असणारे गारंबी धरण, कुडे मांदाड लेणी, खोकरी, दत्तमंदिर या पर्यटन स्थळावर स्वछता करून खाण्यापिण्याचे स्टॉल बांधण्यात आले आहेत. सलग सुट्ट्या असल्याने पर्यटकांनी समुद्रकिनारे बहरल्याचे दिसून आले.
गेली 2 वर्ष कोरोनामुळे हॉटेल व्यवसाय डबघाईला आला होता. या वर्षी दिवाळीला सलग सुट्टी असल्याने बुकिंग चांगली होती. पर्यटकांनी मोठ्या प्रमाणात मुरुडला यावे आम्ही त्यांना उत्तम सेवा देऊ तसेच हॉटेल भाडे देखील योग्य दारात घेऊ.
बैले मनोहर,
हॉटेल व्यावसायिक
रविवार सुट्टीसाठी मुरुड तयार आहे. पिण्याचे पाणी, शहरातील रस्ते व समुद्रकिनाऱ्याची स्वछता याकडे जातीने लक्ष दिल्याने पर्यटकांना त्रास होणार नाही. पर्यटकांनी समुद्रात जाताना भरती ओहोटी याचे भान ठेऊन समुद्राच्या लाटांचा आनंद घ्यावा.
सचिन बच्छाव,
मुख्यअधिकारी, मुरुड नगरपालिका