कार चालकाला तिघांनी लुटले
| पनवेल | वार्ताहर |
कार चालकाला चाकूचा धाक दाखवून आणि मारहाण करून खिशातील 9 हजार रुपये आणि दोन मोबाईल जबरदस्तीने काढून केल्याप्रकरणी तीन अनोळखी इसमाविरोधात तळोजा पोलीस ठाण्यात गुन्हा दाखल करण्यात आला.
शहबाज खान हा पलावा सिटी डोंबिवली येथे असताना त्याला पनवेल येथील भाडे आले. त्याच्या स्विफ्ट डिझायर कारमध्ये तिघेजण बसले. मुंब्रा पनवेल रोडने जात असताना धानसर टोलनका ओलांडून रोहिंजन गाव गजेबो ढाब्याचा पुढे आला असता पाठीमागे बसलेल्या एका इसमाने शहाबाजने लावलेल्या सीट बेल्टने त्याचा गळा आवळला आणि गाडी बाजूला घेण्यास सांगितली. त्याने घाबरून गाडी बाजूला घेतली. यावेळी बाजूला बसलेले इसमाने चाकू काढून जे पैसे, मोबाईल आहेत ते काढ नाहीतर तुला मारेन, असे बोलून शिवी गाळ केली आणि ठोशा बुक्क्यांनी मारहाण केली. यावेळी त्यांनी खिशातील 9 हजार रुपये, आयफोन आणि ओप्पो कंपनीचा मोबाईल जबरदस्तीने काढून घेतला. ते तिघेजण खाली उतरले आणि मुंब्रा दिशेने निघून गेले. त्यानंतर शहाबाज गावी उत्तर प्रदेश येथे गेला. याप्रकरणी गुन्हा दाखल करण्यात आला.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.