पक्षाचा प्रचार करण्यासाठी आटापिटा
| पेण | प्रतिनिधी |
पेण तालुक्यात राष्ट्रवादी काँग्रेसची स्थिती म्हणजे नेते मंडळी ढीगभर तर कार्यकर्त्ये मुठभर अशी झाल्याचे चित्र दिसत आहे. तालुक्यात राष्ट्रवादीचा प्रत्येक कार्यकर्ता हे पदाधिकारी आहेत. त्यामुळे कार्यक्रम करायचा तर व्यासपीठासमोर बसायला कार्यकर्तेच नसल्याचे प्रकर्षाने जाणवत आहे. दोन दिवसापूर्वी सोशल मिडियावर एक बॅनर फिरत होता. त्या बॅनरवर पेण तालुका व पेण शहर महिला राष्ट्रवादी काँग्रेसकडून अंगणवाडी सेविका, मदतनीस व आशाताई सेविका यांचा सन्मान सोहळा असल्याचे समोर आले. गेल्या वर्षी देखील असेच नोव्हेंबर महिन्यात अंगणवाडी सेविकांचा व आशाताईंचा सत्काराचा कार्यक्रम ठेवला होता. त्यावेळी आशा ताई व अंगणवाडी सेविका सकाळी 10:30 वाजल्या पासून कार्यक्रमा ठिकाणी जमल्या.
पंरतु अक्षरशः त्यांच्या भावनांशी राष्ट्रवादी काँग्रेसच्या तालुक्याच्या महिला कार्यकर्त्यांनी खेळ केला होता. त्यामुळे यंदा होत असलेला कार्यक्रम फार काही वेगळा असेल अस वाटत नाही. राजकीय लोकांचा एक राजकीय कार्यक्रम होतो परंतु याच्यात प्रामाणिक काम करणार्या अंगणवाडीसेविका, आशा ताई यांचा वापर केला जातो. पेण तालुक्यात राष्ट्रवादी काँग्रेसकडे पुरेशे कार्यकर्ते नसल्याने कार्यक्रमाला गर्दी जमवण्यासाठी ही केलेली खटाठोक असते. याबाबत एकात्मिक बालविकास अधिकारी कार्यालयातून माहिती घेतल्यानंतर असे समजले की सदरचा सन्मानाचा कार्यक्रम हा शासनाचा नसून, नाही. याबाबत कार्यालयाला कोणतीही माहिती नसल्याचे सुचित करण्यात आले.
अंगणवाडी सेविका व मदतनीस यांच्या सन्मानाचा कार्यक्रम असल्याची माहिती आपल्या कडून समजत आहे. आमच्या कार्यालयाकडून याला अधिकृत मान्यता नाही. आमच्या कार्यालया बरोबर कोणताच पत्र व्यवहार झालेला नाही त्यामुळे सन्मान कार्यक्रमा संदर्भात मला काहीही माहित नाही. जरी तो कार्यक्रम असला तरी तो शासकीय कार्यक्रम नाही.
– चेतन गायकवाड, (एकात्मिक बालविकास प्रकल्प अधिकारी पेण)
आशा सेविकांचा सन्मान करण्याबाबत कार्यक्रम असल्याचे मला समजले. परंतु, कोणताही माझ्या बरोबर पत्र व्यवहार झालेला नाही, तसेच सदरील कार्यक्रम हा शासनाचा नाही.
– डॉ.अर्पणा खेडेकर, तालुका आरोग्य अधिकारी