मसाल गल्लीतील मुलांचा प्रामाणिकपणा
| आगरदांडा | प्रतिनिधी |
मुरुड शहरातील मसाल गल्लीतील चार मुलांना पैशांनी भरलेले पॉकीट रस्त्यावर सापडले. सापडलेल पॉकीट मुलांनी ताबडतोब मुरूड पोलीस ठाण्यात जाऊन पोलिसांकडे जमा केले. पोलिसांकडून त्यांच्या या प्रामाणिकपणाचे कौतुक केले. शहरातील मसाल गल्लीतील आरुष मनोज मसाल (13), निल मसाल वय (11), आर्यन मसाल (11), आरव मसाल (9) हे चौघे जण देवाच्या दर्शनासाठी क्षेत्रपाल या ठिकाणी गेले असता दर्शन घेऊन येताना दत्तमंदिर लगतच्या रस्त्यावर पॉकीट पडलेल्या अवस्थेत दिसुन आले. ते पॉकीट उघडल्यावर पैसे दिसुन आले. भरलेल पॉकीट पोलिसांनी पाहणी केली असता त्यामध्ये 6 हजार 210 रुपये व महत्वाची कागदपत्रे होती. पॉकीटा मधील कागदपत्रांच्या आधारे मुळ मालक मिलिंद कवळे यांना संपर्क साधुन पैशांनी भरलेले पॉकीट व महत्वाची कागदपत्रे परत केले. यावेळी मुलांचे कौतुक केले.
मसाल गल्ली तरुण मित्र मंडळाच्या वतीने या चौघांचा प्रामाणिकपणाचे कौतुक करण्यात आले. यावेळी उल्हास गुंजाळ, मधुकर मसाल, दिलीप विरकुड, देवेंद्र मसाल, केतन वर्तक, शितल विरकुड, सिद्धेश भायदे, गणेश वर्तक, प्रसाद गवंडी, संदीप पाटील, कल्पना पाटील, संजय गुंजाळ, सायली गुंजाळ डॉ. अमित बेनकर आदिंसह मान्यवर उपस्थित होते.
