खुनाची सुपारी देवून मारण्याचा प्रयत्न
। नेरळ । प्रतिनिधी ।
बदलापूर येथील सोनिवली गावातील रिक्षाचालक भाडे घेवून कर्जत येथे जात असताना नेरळ जवळ रिक्षाचालकावर गोळीबार करण्यात आला. मात्र रात्रीचा फायदा घेवून रिक्षाचालकाने उल्हासनदी पार करून मालेगाव येथे पोलीस पाटील यांना घडलेल्या घटनेची माहिती पोलिसांनी दिली. दरम्यान, रिक्षाचालक याचा खून करण्याची सुपारी दिली असल्याचा गुन्हा नेरळ पोलीस ठाणे येथे दाखल करण्यात आला असून जखमी रिक्षाचालक यांच्यावर रायगड हॉस्पिटल मध्ये उपचार सुरू आहेत.
22मे रोजी रात्री साडे दहाच्या सुमारास नेरळ पोलीस ठाणे येथे मालेगाव येथील पोलिस पाटील यांचा फोन आला आणि नेरळ पोलीस ठाणे हद्दीत गोळीबार झाल्याची नोंद झाली. बदलापूर जवळील सोनीवली गावातील रिक्षाचालक सदानंद शिवाजी मुंढे यांची एमएच 05- सीजी 1948 ही बदलापूर शहरात चालवून आपल्या कुटुंबाचा उदरनिर्वाह करतात. रिक्षाचालक मुंढे यांना पाच दिवसांपूर्वी एका अनोळखी नंबर वरून फोन आला आणि मला माझ्या पत्नीला घेवून कर्जत जवळ एका महाराज यांच्याकडे जायचे आहे आणि तेथे भरपूर गर्दी असते, त्यामुळे रिक्षाची गरज भासेल तेंव्हा पुन्हा फोन करील असे सांगितले.22मे रोजी रिक्षाने कर्जत ल जायचे आहे असे सांगून त्या अनोळखी इसमाने रिक्षा बुक केली. सायंकाळी सात वाजता निघू असे सांगून रिक्षा बोलावून घेतली.
बदलापूर एमआयडीसी पेट्रोल पंप येथे गॅस भरायला गेल्यावर सदानंद मुंढे यांनी त्या अनोळखी इसमाला फोन करून पेट्रोल पंप येथे आल्याचे सांगितले.त्यावेळी त्या अनोळखी इसमाने रिक्षा मध्ये गॅस भरा, त्याचे पैसे भेटल्यावर देतो असे सांगून मी वांगणी येथे व्यवसायाच्या वसुलीसाठी आलो आहे तुम्ही रिक्षा घेऊन वांगणी येथे या असे पावणे आठ वाजता सांगितले. त्यानंतर मुंढे हे आपली रिक्षा घेऊन वांगणी येथे पोहचले असता तेथे पोहचल्यावर मुंढे यांनी त्या क्रमांकावर फोन करून वांगणी येथे पोहचले असल्याचे सांगितले. मात्र तो अनोळखी तरुण आपण दामत येथे आलो असून तुम्ही रिक्षा घेऊन पुढे या असे सांगून रिक्षा घेवून कल्याण- कर्जत रस्त्यावरील दामत येथे बोलावून घेतले. त्यावेळी साडे नऊ वाजले होते, त्यामुळे रिक्षा चालक देखील संतापले असता त्या अनोळखी इसमाने आपण रेल्वे फाटक जवळ असलेल्या फाट्यावर उभे असल्याचे सांगितले आणि त्या ठिकाणी रिक्षा चालक पोहचले असता तो अनोळखी व्यक्ती याची भेट रिक्षा चालक बरोबर झाली आणि रिक्षा कर्जत कडे महाराज यांच्या दर्शनासाठी निघाली.
मात्र त्या अनोळखी व्यक्तीने रिक्षाचालक सदानंद मुंढे यांना पलीकडे असलेल्या बियर शॉप मध्ये जायचे आणि तेथे वसुली करून आपण पुढे जाऊ असे सांगून रिक्षा रेल्वे मार्ग पार करून गेल्यावर आजूबाजूला कोणीही नाही याचा अंदाज घेऊन रिक्षात बसलेल्या अनोळखी व्यक्तीने मागाहून सदानंद मुंढे यांच्या कानाजवळ हत्त्यार लावून गोळी झाडली. त्यावेळी ती गोळी मानेजवळून निघून गेली असता घाबरलेल्या रिक्षाचालकाने बाहेर पडून त्या अनोळखी व्यक्तीच्या हातातील गावठी कट्टा पकडण्याचा प्रयत्न केला,त्या झटापटीत दुसरी गोळी आकाशात उडाली असता अंधाराचा फायदा घेऊन सदानंद मुंढे या रिक्षाचालकाने पळण्याचा प्रयत्न केला. त्यावेळी बागेच्या बाजूने धाव घेतली आणि त्यावेळी मध्ये आलेली उल्हास नदी पार करून पलीकडे आपला जीव वाचविण्यासाठी धडपड सुरू केली. त्यावेळी साधरण साडे दहाच्या सुमारास मालेगाव येथे गोळी लागल्याने जखमी झालेल्या रिक्षाचालक यांना तेथील पोलीस पाटील भेटले. त्या पोलीस पाटील यांनी नेरळ पोलीस ठाणे येथे फोन केला आणि त्यानंतर तात्काळ नेरळ पोलीस रुग्णवाहिका घेऊन पोहचले.जखमी अवस्थेत रायगड हॉस्पिटल मध्ये सदानंद मुंढे यांना दाखल करताना पोलीस उपअधीक्षक विजय लगारे, नेरळ पोलीस ठाण्याचे पदभार असलेले सहायक पोलीस निरीक्षक शेखर लवहे,नेरळ पोलीस ठाण्याचे सहायक निरीक्षक हनुमंत शिंदे, पोलीस उपनिरीक्षक श्रीकांत काळे आणि गुन्हे प्रकटीकरण टीम हजर होती.तर जिल्ह्याचे अतिरिक्त पोलीस अधीक्षक अतुल झेंडे मध्यरात्री नंतर नेरळ येथे पोहचले आणि गोळीबाराची घटना समजून घेतली.तर गुन्ह्याची व्याप्ती लक्षात जिल्हा पोलीस अधीक्षक यांनी कर्जत, खालापूर, खोपोली, रसायनी येथील प्रभारी अधिकारी आणि जिल्हा पोलिसांचे गुन्हे प्रकटीकरण पथक नेरळ येथे पोहचले.
याबाबत नेरळ पोलीस ठाण्यात गुन्हा दाखल झाला असून अनोळखी व्यक्ती आणि सोनिवली बदलापूर येथील एका असे दोघांवर खुनाचा प्रयत्न केल्याचा गुन्हा नोंद झाला आहे. मात्र आपल्यावरील हल्ल्याची खबर देताना आपल्या लहान भावाला मारहाण केल्याबद्दल सोनिवली गावातील एका व्यक्तीला 15 दिवसांची शिक्षा झाली होती. त्याचा राग धरून मला ठार करण्याची सुपारी सोनिवली गावातील त्या व्यक्तीने सुपारी दिली असल्याची नोंद आपल्या तक्रारीत नोंद केली आहे. त्यामुळे पोलिसांनी त्या दृष्टीने तपास सुरू केला असून अतिरिक्त पोलीस अधीक्षक झेंडे हे स्वतः नेरळ पोलीस ठाण्यात बसून तपासावर लक्ष ठेवून आहेत. तर नेरळ पोलीस ठाण्याचे निरीक्षक राजेंद्र तेंडुलकर हे रजेवर असून देखील या गुन्ह्याच्या तपासात सूचना देऊन मदत करीत आहेत. बदलापूर येथील सोनिवली गावातील रिक्षाचालक सदानंद शिवाजी मुंढे यांच्यावर झालेल्या गोळीबार प्रकरणी नेरळ पोलीस ठाणे येथे जीव मारण्यासाठी प्रयत्न केल्याबद्दल भादवी कलम 307 तसेच महाराष्ट्र हत्यार अधिनियम 3चे कलम 25 नुसार अनोळखी गोळीबार आणि हत्येची सुपारी देणारे संशयित म्हणून प्रकाश सीताराम सुरोशे यांच्यावर हे गुन्हे दाखल आहेत. या घटनेचा तपास वरिष्ठ पोलीस अधिकारी करीत आहेत. त्यासाठी गुन्हे प्रकटीकरण पथक देखील कामाला लागले असून सोनिवली गाव ते घटनास्थळ या दरम्यानचे पुरावे गोळा करण्याचा प्रयत्न करीत आहेत.
संशयित ताब्यात
या घटनेत गोळीबार झालेली एक गोळी जखमी रिक्षाचालक सदानंद मुंढे यांच्या शरीरात असल्याने ती काढण्याचे प्रयत्न सुरु असून नेरळ पोलिसांनी आपल्या खुनाची सुपारी सोनीवली गावातील व्यक्तीने दिली असल्याची
दोन वर्षापूर्वी अशीच घटना
दोन वर्षापूर्वी बदलापूर येथील राष्ट्रवादी काँग्रेस पक्षाचे कार्यकर्ते राम लिये यांच्या वाहनांवर गोळीबार झाला होता आणि त्या गोळीबाराचे आरोपी अद्याप सापडले नसताना आता आणखी एक घटना नेरळ पोलीस ठाण्याच्या हद्दीत घडली असून गोळीबार झालेली व्यक्ती बदलापूर ची आहे हे त्यातील साम्य आहे.