| आगरदांडा | प्रतिनिधी |
ऐतिहासिक जंजिरा किल्ल्यात वर्षभर लाखो पर्यटकाना सुरक्षित जंजिरा किल्ल्यात आपल्या शिडाच्या बोटीतून ने-आण करीत असतात. त्यांच्या या कामाचा गुणगौरव व पर्यटकांना आकर्षित करण्यासाठी जंजिरा किल्ल्यातसमोर शिडाच्या बोटींच्या स्पर्धा अलनुरानी बोट ग्रुप राजपुरी यांनी आयोजित करण्यात आल्या होत्या. या शर्यतीचा थरारामध्ये छोट्या गटात लक्ष्मी बोटनी तर मोठ्या गटात अलनुरानी बोटींनी प्रथम क्रमांक पटकावला. या शर्यतीचा थरारा पर्यटकांना पाहायला मिळाला होता.
मुरुड राजपुरी येथील 10 शिडाच्या बोट चालक- मालकांनी स्पर्धत सहभाग नोंदविला होता. यासाठी छोटा गट व मोठा गट तयार करण्यात आले होते. दुपारी 3 वाजता शिडाच्या बोटीच्या स्पर्धाला राजपुरी जुनी जेट्टीवर फटके फोडुन सुरुवात करण्यात आली. राजपुरी जेट्टी ते दिघी 5 किलोमीटर अंतरापर्यंत ठेवण्यात आले होते. छोट्या गटात, इब्रानी बोट, सुबानी बोट, रहमानी बोट, लक्ष्मी बोट, मोहम्मदी बोट, सुलतानी बोट यांनी सहभाग नोंदविला होता. यामध्ये लक्ष्मी बोटीने प्रथम क्रमांक पटकावला, तर व्दितीय क्रमांक सुलतानी बोटने, तृतीय क्रमांक इब्राहीम बोट यांनी पटकावला.
मोठ्या गटात अलनुरानी बोट, लासानी बोट, अकबरी बोट, रुबानी बोट, या बोटीने सहभाग घेतला होता. यामध्ये अलनुरानी बोट यांनी प्रथम क्रमांक पटकावला तर व्दितीय क्रमांक लासानी बोटीने, तृतीय क्रमांक रब्बानी बोटनी पटकावला. प्रथम क्रमांकाच्या लक्ष्मी बोटीचे मालक इस्माईल आदमने यांना 8 हजार रुपये रोख रक्कम व चषक देण्यात आले, तर अलनुरानी बोटीचे मालक शानवाज शहीद डॉक्टर यांना 10 हजार रुपये रोख रक्कम व चषक मान्यवरांच्या हस्ते देण्यात आले. व्दितीय क्रमांक तृतीय क्रमांक मनोज कमाने यांच्या हस्ते रोख रक्कम व चषक देण्यात आली. यावेळी मान्यवरांनी पर्यटक वाढविण्यासाठी व पर्यटकांना आकर्षित करण्यासाठी शिडाच्या बोटींचे शर्यती विविध खेळ ठेवले पाहिजे असे सांगितले. तसेच असे कार्यक्रम राबवून पर्यटकांना आकर्षित करण्यास सांगितले. यावेळी मनोज कमाने, शानवाज डॉक्टर, इस्माईल आदमने, मंगेश कुलबी, नाजभाई कादरी, तरबेज कारभारी, ग्रामसेवक सचिन पाटील, मोहतसिम पांगारकर आदींसह मान्यवर उपस्थित होते.
राजपुरीत शिडांच्या बोटींचा थरार
