गॅस एजन्सीच्या कार्यालयामध्ये चोरी

अलिबाग । शहर प्रतिनिधी ।
पनवेल तालुक्यातील उसर्ली खुर्द गावामध्ये गॅस एजन्सी कार्यालय फोडण्याचा प्रकार उघडकीस आला आहे. ही घटना शुक्रवार (दि. 3 सप्टेंबर) रोजी दुपारच्या दरम्यान घडली. गॅस एजन्सी फोडून 35 हजार रुपयांची रक्कम आरोपीने चोरुन नेली. या प्रकरणी पनवेल पोलिस ठाण्यात गुन्हा दाखल करण्यात आला असून सदर घटनेचा अधिक तपास पोलिस करत आहेत.